Adobe Flash Camp 2010

Երևանի Պետական Համալսարանում այս տարի ևս կանցկացվի Adobe Flash Camp-ը: Flash Camp-ը իրենից ներկայացնում է միջոցառումների շարք, որոնց նպատակն է ծանոթացնել ուսանողներին և առհասարակ ոլորտով հետաքրքրվող մարդկանց Adobe Flash մուլտիմեդիան ներկայացնելու հանրահայտ հենահարթակի և նրան հարակից տեխնոլոգիաների հետ (ActionScript, AIR, Flex և այլն):

Անցկացման վայրը՝ ԵՊՀ, Ֆիզիկայի ֆակուլտետ, երկրորդ հարկ, Կոնֆերանսների դահլիճ 1
Անցկացման օրը՝ Դեկտեմբերի 3-ին

Միջոցառումների ժամանակացույց՝
12:00 – 13:00 Գրանցում
13:00 – 13:30 Adobe Flash հենահարթակի ներածություն որպես RIA (Rich Interactive Applications) կառուցման համալիր տեխնոլոգիա
13:30 – 14:00 Adobe Flash Player 10.1, նոր հնարավորությունները, ընդհանուր ներկայացում
14:00 – 14:30 Flash հենահարթակի գործիքներ՝ Adobe Flash Professional, Adobe Flash Builder, Adobe Flash Catalyst
14:30 – 15:00 Ընդմիջում
15:00 – 16:00 Adobe Catalyst (պրեզենտացիա)
16:00 – 17:00 Adobe Flex (պրեզենտացիա)
17:00 – 17:30 Ընդմիջում
17:30 – 18:00 Adobe AIR-ը որպես միջոց Android միջավայրում ActionScript 3 լեզվով ծրագրեր կառուցելու համար
18:00 – 18:30 Adobe Flash-ի ապագան HTML5-ի հետ համատեղ
18:30 – 18:45 Ընդմիջում
18:45 – 19:15 Adobe AIR մեկնարկ: Կառուցում ենք առաջին ծրագիրը AIR տեխնոլոգիայով
19:15 – 20:00 Ազատ հարց-պատասխան

Միջոցառմանը մասնակցողների միջև կխաղարկվեն մրցանակներ, այդ թվում Adobe Creative Suite 5 Web Premium լիցենզիոն ծրագրային փաթեթ և գրքեր

ԻԿՄ լոգոտիպի մրցույթ!

Վերջերս ԵՊՀ ԻԿՄ ուսխորհուրդը հայտարարել է ԻԿՄ ֆակուլտետի լոգոտիպի մրցույթ: Մրցույթին մասնակցելու կամ մանրամասներին տեղեկանալու համար ուսանողները կարող են դիմել ֆակուլտետի ուսխորհուրդի սենյակ: Ես առաջարկելու եմ հետևյալ տարբերակները: Մինիմալիստական ոճով եմ ստեղծել այս օրինակները:

Եթե դուք էլ տարբերակներ ունեք առաջարկելու, կարող եք կիսվել հղումներով: Կարող ենք նույնիսկ քվեարկություն կազմակերպել: Եվ ընդհանրապես, շատ հետաքրքիր է ինչ եք կարծում այս ամենի մասին?

Ռոքը «պայթեցնում է» համալսարանը

Այսօր՝ Մայիսի 6-ին Երևանի Պետական Համալսարանի մշակույթի կենտրոնում կայացավ ռոք համերգ, որում մասնակցում էին երիտասարդ, տաղանդավոր հայկական ռոք խմբեր, այդ թվում The

Dreamers, Koma, The Element և մի շարք այլ խմբեր: Նրանց մի մասի անդամները ուսանողներ էին: Համերգին սկզբում ներկա էին մոտ 150 հանդիսատես: Ու չնայած փոքր դահլիճում երաժշտության

հնչողությունն այնքան էլ որակյալ չէր և drum-երի ձայնը չափից շատ բարձր էր, ռոքի և առհասարակ իսկական, կենդանի երաժշտության իսկական սիրահարները մնացին մինչև համերգի ավարտը: Հանդիսատեսի առանձնահատուկ ուշադրությանն արժանացան Koma խմբի ռիթմիկ երգերը և The Element խմբի էներգետիկ կատարումները: Մեկ այլ խումբ (կներեք, չեմ հիշում խմբի անունը) երգում էին Red Hot Chilli Peppers-ի հայտնի երգերը: