Tag Archives: google

Սկսվում է Google Summer of Code 2012-ը

Հարգելի coder-ներ/ծրագրորդներ/ծրագրավորողներ/software_engineer-ներ: Մեկնարկում է Google Summer of Code 2012-ը: Նրանց համար, ովքեր տեղյաք չեն այս ամենամյա հիանալի իրադարձության մասին, մի փոքր ծանուցում.

Google Summer of Code-ը կրթաթոշակներ է տրամադրում երիտասարդներին, ազատ կոդով պրոյեկտների համար ամառվա ընթացքում աշխատելու դիմաց: Շատ հայտնի ազատ կոդով ծրագրային ապահովում մշակող ընկերություններ (Red Hat, Fedora, GNU և այլն) հրապարակում են իրենց նախագծերը, որից հետո ընդունվում են դիմումներ ուսանողների կողմից, և ընդունված դիմումների տեր ուսանողները ողջ ամառվա ընթացքում աշխատում են նախագծերի հետ կապված առաջադրանքների վրա: Իրենց գործը հաջողությամբ ավարտած ուսանողները Google-ի կողմից արժանանում են $5000 արժողությամբ չեկի:

Google Summer of Code 2012-ի ժամանակացույցը
Փետրվարի 4 — GSoC-ի մեկնարկ
Մարտի 9 — Մարտի 12 — Հետաքրքրված կազմակերպությունները առաջարկում են իրենց նախագծերը
Մարտի 16 — Կազմակերպությունների ցուցակը հրապարակվում է GSoC-ի պաշտոնական կայքում
Մարտի 17 — Մարտի 25 — Հետաքրքրված ուսանողները քննարկում են նախագծերը կազմակերպությունների հետ
Մարտի 26 — Ապրիլի 6 — Ընդունվում են ուսանողների դիմումները
Ապրիլի 23 — Ուսանողների դիմումների ընդունում/մերժում
Մայիսի 21 — Օգոստոսի 27 — Ուսանողներն աշխատում են իրենց նախագծերի վրա
Օգոստոսի 27 — Արդյունքների ամփոփում

Ծրագրին ավելի մանրամասն ծանոթանալու և ավելի մանրամասն ժամանակացույցը ստանալու համար այցելեք ծրագրի պաշտոնական կայքը: Գրանցվե՛ք, մասնակցե՛ք, ձեռք բերեք ոլորտի առաջատարների հետ շփման փորձ, հաստատե՛ք գործնական կապեր… Բոլոր դիմողներին մաղթում եմ հաջողություն:

Advertisements

Թողնել մեկնաբանություն

Filed under Համալսարանական, Իրադարձություններ

Փորձարկում ենք Google+ ծառայությունների փաթեթը

Վերջապես այսօր ստացա Google+ ծառայությունների փաթեթի հրավեր: Բլոգում մի քանի օր առաջ դրա մասին գրել ենք: Եթե չեք կարդազել գրառումը, ասեմ, որ այն սոցիալական ցանց է, որը կապում է Google-ի հին ծառայությունները (GMail, Picasa, Chat և այլն) և առաջարկում է նորերը (դրանց մասին դեռ կխոսենք):

Առաջին անգամ Google+ի գլխավոր էջը տեսնելուց միանգամից մտածում ես, որ այն facebook-ի կլոնն է (կամ, չլինի facebook-ի ձևավորումը փոխել են…):
Capture
«Ընկերներին» կարելի է խմբավորել Circles (շրջանակներ) կոչվող օբյեկտներում: Հետագայում խմբային չատ, խմբային վիդեոչատ (սրա անունն էստեղ hangouts է) կազմակերպվում է հենց նույն շրջանակներում:
image 
Facebook-ի «պատին» այստեղ փոխարինում են stream-ները (հոսք), ընդ որում ամեն շրջանակ ունի իր առանձին հոսքը: Նոր նկարներ, վիդեոներ, պատմություններ, հղումներ ավելացնելիս կարելի է նշել այն հոսքերը, որոնք կարող են տեսնել նորությունները: Սա բավականին հարմար է (օրինակ, երբ չես ուզում, որ աշխատանքի վայրում տեսնեն վերջին ընկերական խնջույքի նկարները (նույն բանը կարելի է անել նաև facebook-ում, բայց հրապարակման կարգավորումները այնտեղ գործում են անհատներին նշելու/հեռացնելու սկզբունքով)): ստանալ Հոսքերի գրառումների տակ մեկնաբանություններ թողնելու մեխանիզմը գրեթե նույնն է, ինչ facebook-ում:
Շատ ուրախացրեց Photos-ը: Նախ և առաջ, գրանցվելիս Google+ը թույլ է տալիս կապել G+ Photos-ը Picasa-ի հետ: Այսպիսով Picasa-յում տեղադրված բոլոր նկարները (իրենց հրապարակելու կարգավորումներով) հասանելի են G+ Photos-ում և հակառակը: Նկարները դիտելու ու կառավարելու գործընթացը շատ հարմարավետ է:
image 
Facebook-ի Page-երին այստեղ փոխարինում են ավելի պարզեցված Sparks-ը: Սա պարզապես ձեր նախընտրած թեմայով տարբեր կայքերից պարբերաբար հոդվածներ է հավաքում և ներկայացնում է մեկ հոսքի ներքո, թույլ տալով ցանկության դեպքում կիսել (share) դուր եկած հոդվածը ընտրյալ շրջանակների հետ:
image
Եվ վերջապես աուդիո/վիդեո չաթերի մասին: Հաճելի է նկատել, որ աուդիո «զանգ» կարելի է անել ընկերներին անմիջապես չաթի պատուհանից (որը գրեթե ոչնչով չի տարբերվում facebook-ի չաթի պատուհանից): Առավել ուրախացնում է խմբակային վիդեո չաթը: Այն աշխատացնելու համար Google+ը պահանջում է տեղադրել Google Audio/Video plugin անունը կրող հավելում: Խմբակային վիդեո չաթը աշխատում է, ինչպես և խոստացված էր: Hangout-ին մասնակցել կարող են առավելագույնը 10 մարդ: Կենտրոնական մեծ պատուհանում երևում է այն մասնակցի [ուղիղ եթերով] պատկերը, ում ձայնը տվյալ պահին ամենաբարձրն է:

Ընդհանուր առմամբ, Google+ը ամենևին չի հեղաշրջում սոցիալական կայքերի ոլորտը, և միայն ժամանակը ցույց կտա, թե կդառնա այն արդյոք այնքան տարածված, որքան facebook-ն ու twitter-ն են: Մյուս կողմից, շատ քիչ ծառայություններ կարող են պարծենալ խմբակային վիդեո չաթ առաջարկելու (անվճար!) հնարավորությամբ: Այնպես որ, փորձել արժե, բայց, մեկը ես ամբողջովին «տեղափոխվել» Google+ դեռևս չեմ պատրաստվում:

P.S. Facebook-ը չի պատրաստվում ձեռքերը ծալած կանգնել և շուտով այն կգործարկի սեփական վիդեո չաթի ծառայությունը (ավելի ստույգ, Skype-ի վիդեոզանգերը կինտեգրվեն Facebook-ում): Դեռևս խոսքը գնում է միայն 1-1 վիդեոզանգերի մասին (Skype-ում խմբակային վիդեոզանգերը վճարովի են):

1 մեկնաբանություն

Filed under IT Հետազոտություն

Google-ի վերջին «ցնցումները»

Շատերդ երևի նկատած կլինեք, որ Google-ը վերջերս փոխել է իր գրեթե բոլոր ծառայությունների վեբկայքերի միջերեսը:
Որոնման համակարգի միջերեսի փոփոխությունները առավել վառ երևում են անգլալեզու Google.com էջի վրա: Հաճելի է նկատել, որ այժմ կարելի է նախկին սպիտակ հետին պլանը փոխարինել Picasa ծառայությունում տեղադրված ցանկացած բաց նկարի հետ: Capture
Փոփոխության են ենթարկվել նաև որոնման կոճակները և արդյունքների էջում տեղադրված փոքրիկ իկոնները: Ավելացվել է something different (որևէ այլ բան) վերնագրով հղումների խումբը (ձախ վահանակի ներքևի մասում): Google-ը ներկայացրել է նաև իր Facebook-ի Like կոճակի իր այլընտրանքը՝ +1 կոճակը:
Capture2
Ձևափոխումներից անմասն չի մնացել նաև Gmail-ը, որոնման միջերեսի հետ համատեղելի միջերեսով theme հայտնվել է նաև էլեկտրոնային փոստի ծառայության կայքում:
Capture3
Եվ սա դեռ ամենացնցող նորությունը չէ: Google-ը սահմանափակ թեստավորման համար հրապարակել է իր սոցիալական ծառայությունների Project Google+ անունը կրող փաթեթը, որի մեջ մտնում են Circles, Instant Upload, Hangouts, Sparks, Huddle ծառայությունները:
Capture4
Circles-ը թույլ է տալիս խմբավորել ծանոթ մարդկանց հատուկ շրջանների մեջ, այնուհետև ավելի հարմար նրանց հետ շփվելու համար:
image
Hangouts-ը ներկայացնում է օնլայն վիդեո չաթ, որին միաժամանակ կարող են մասնակցել մինչև տաս օգտվող: Ընդ որում կենտրոնական, մեծ շրջանակում հայտնվում է այն մասնակցի պատկերը, ով տվյալ պահին առավել բարձր է խոսում:
image
Instant Upload ծառայությունը թույլ է տալիս միանգամից Android համակարգով աշխատող սարքով նկարած ֆոտոնկարների և տեսահոլովակների պատճեները վերբեռնել Picasa-ի սերվեր: Sparks-ը միջոցով կարելի է կառավարել օգտվողի հետաքրքությունների ցուցակը:
Huddle-ը խմբակային չաթ է, որին կարելի է մասնակցել ցանկացած համատեղելի սարքով (դեռևս միայն Android պլատֆորմով աշխատող սարքերով):
imageGoogle+ Project-ը դեռևս հասանելի է հատուկ հրավերներով, բայց շատ շուտով կհանձնվի «գլոբալ շահագործման»:
Ինչպես ասում են, ձուկը ծովում,
բայց ընկերությունն արդեն հայտարարել է, որ պլանավորում է ընդլայնել առաջարկվող ծառայությունների ցանկը:

Մեկնաբանություններ (2)

Filed under IT Նորություններ

Նարնջագույն և Կապույտ ռոբոտների խնդիրը

Այս ծրագրավորման խնդիրն առաջարկվել է Google Code Jams օնլայն ծրագրավորման մրցությի սահմաններում որպես որակավորման փուլի խնդիր: Խնդիրը բավականին զվարճալի է և հետաքրքիր, ուստի առաջարկում եմ, որ դուք ևս լուծեք:

portal-2-co-op

Չար Արհեստական Ինտելեկտը փակել է կապույտ և նարնջագույն ռոբոտներին տեստավորման սենյակում: Ռոբոտներից ամեն մեկը կանգնած է միջանցքում, որտեղ ամեն մետրի վրա տեղադրված է մի մեծ կոճակ՝ յուրաքանչյուր միջանցքում ընդհամենը 100 կոճակ {1, 2, … 100}: Ժամանակի 0 պահին երկու ռոբոտն էլ կանգնած են իրենց միջանցքների 1 համարի կոճակի մոտ: 1 վայրկյանի ընթացքում ռոբոտներից ամեն մեկը կարող է անել հետևյալ քայլերից մեկը՝
1. տեղափոխվել մեկ մետր առաջ
2. տեղափոխվել մեկ մետր ետ
3. սեղմել այն կոճակը, որի մոտ տվյալ պահին գտնվում է
4. կանգնել և ոչինչ չանել
Որպեսզի ԱԻ-ն դուրս թողնի նրանց սենյակից, ռոբոտները պետք է սեղմեն կոճակները ըստ նախապես տրված խիստ հաջորդականության: Օրինակ՝ O 2 O 7 B 96 O 65 B 1 նշանակում է նարնջագույնը պետք է սեղմի 2 համարի կոճակը, ապա 7 համարի, հետո կապույտը պետք է սեղմի իր միջանցքի 96 համարի կոճակը և այլն…
Ռոբոտներից յուրաքանչյուրը ի սկզբանե գիտի հրամանների հաջորդականությունը և ցանկացած պահին կարող է կապ հաստատել ընկերոջ հետ և պարզել, թե նա «ուր է հասել»:

090410_portal_2_coop_pax_preview_tԽնդրի պահանջը հետևալն է: Ունենալով մուտքում նմանատիպ հրամանների հաջորդականություներ, յուրաքանչյուր հաջորդականության համար տպել, թե նվազագույնը քանի վայրկյանից կարող են ռոբոտները կատարել ԱԻ-ի տեստը: Մուտքային ֆայլի առաջին տողում տրվում է հրամանների հաջորդականությունների քանակը, հաջորդ տողերում հրամանների հաջորդականությունից առաջ տրվում է տվյալ հաջորդականություններում հրամանների թիվը:

Մուտքային ֆայլի օրինակ
3
4 B 17 O 1 B99 O 75
2 O 18 B 26
3 O 45 B 64 O 1

Ելքային ֆայլ
103
27
92

Թողնել մեկնաբանություն

Filed under Մտածենք..., Ծրագրավորում

Google-ի կատակը կամ ապագան` առանց ստեղնաշարի ու մկնիկի

Երեկ` ապրիլի 1-ին Google-ը բոլոր Gmail օգտագործողների հետ կատակեց, ներկայացնելով նոր` Gmail Motion Beta ծրագիրը, որը իրականում դեռ պատրաստ չէ:

Ծրագիրը համակարգչի տեսախցիկի միջոցով Ձեր որոշակի շարժումները վերածում է հրամանների կամ սիմվոլների, ինչի միջոցով կարելի է օրինակ հաշված վայրկյաններում նամակ գրել:

Google-ը նաև զգուշացնում է` նախ համոզվեք, որ Ձեզ շրջապատող տարածքը մաքուր է, երկրորդ` փորձեք փոքրիկ ընդմիջումներ անել ամեն 30-40 րոպեն մեկ (ոնց որ կանեիք գրելիս), ու վերջապես` վարժություններից հետո Ձեզ ժամանակ է պետք, որ մկանները հանգստանան 🙂

Ու էսքանից հետո դու ոգևորված սեղմում ես Try Gmail Motion կոճակը, մի քանի վայրկյան սպասում մինչև ծրագիրը բեռնվի, ու …  April Fools! Gmail Motion doesn’t actually exist. At least not yet…

P.S. Փաստորեն մեր շարժումներն էլ արդեն թվայնացրեցրին, հիմա համակարգչի առաջ պետք է ավելորդ շարժում թույլ չտաս, որ հանկարծ սխալ չհասկանա…

1 մեկնաբանություն

Filed under IT Նորություններ, Հումոր, Զարմանալի

Google որոնման հնարքներ

Երևի դժվար է գտնել մի մարդու, ով երբևէ չի որոնել համացանցում ինչ-որ ինֆորմացիա Google-ի որոնման համակարգով: Բայց քչերը գիտեն, որ որոնման տողը շատ ավելի բան կարող է անել, քան ինչ-որ բառեր պարունակող էջեր գտնելը: Եկեք մանրամասն դիտարկենք դրա հնարավորությունները:
Ուշադրություն՝ բոլոր բերված օպերատորները չէ, որ աշխատում են google.am-ում: Խորհուրդ է տրվում փորձարկել google.us-ում:

1. Պարզագույն օպերատորներ
+
Որոնման արդյունքներում պարտադիր պետք է հանդես գա օպերատորից հետո գրված բառը:
Որոնման արդյունքներում պետք է պարտադիր բացակայի օպերատորից հետո գրված բառը:
OR Երկտեղ օպերատոր է: Որոնման արդյունքներում պետք է հանդես գա սրան կից բառերից միայն մեկը:
“ ” Բացվող և փակվող չակերտների միջև գրված արտահայտությունը ճիշտ նույն ձևով հանդես կգա որոնման արդյունքներում:
~ Օպերատորից հետո գրված բառի հոմանիշները ևս կարող են հանդես գալ որոնման արդյունքներում
* Սրա փոխարեն կարող է լինել ցանկացած բառ
.. կրկնակի կետը թույլ է տալիս նշել թվային միջակայք
Օրինակ՝ TV Panasonic OR Samsung + 3D – LED price 500..1500 ~size *

paik10-hp
2. Բարդ օպերատորներ
daterange:
Թույլ է տալիս նշել որոնվող էջերի վերջին մոդիֆիկացիայի ժամանակահատվածը: Ժամանակահատվածը տրվում է օպերատորից անմիջապես հետո, Հուլիոսյան օրացույցով:
filetype: Թույլ է տալիս որոնել ֆայլեր: Օրինակ՝ filetype:pdf
site: Սահմանափակում է որոնվող էջերը, թողնելով միայն նշված դոմենում գտնվողները: Օր.՝ site:wikileaks.org armenia
cache: Ցույց կտա Google Cache-ում պահված էջի կրկնօրինակը, եթե այն կա Օրինակ՝ cache:tomshardware.com
link: Ցույց է տալիս այն էջերը, որոնք հղումներ են պարունակում օպերատորից հետո նշված էջին:
related: Ցույց է տալիս էջերը, որոնք ինչ-ինչ ալգորիթմով Google-ը համարում է նման օպերատորից հետո նշված էջին:
info: Վերադարձնում է որոշակի տեղեկատվություն օպերատորից հետո նշված էջի մասին (կայքը, որին այն պատկանում է, ստեղծման օրը և այլն…)
define: Վերադարձնում է օպերատորից հետո նշված բառի սահմանումը: Փորձեք define:matrix
phonebook: Հեշտ եղանակ է մարդկանց որոնելու համար: Օպերատորից հետո նշվում է մարդու անունը կամ ազգանունը: Օրինակ՝ phonebook:Aroyan Yerevan
stoks: Որոնում է ֆինանսական տեղեկատվություն նշված կոդային անունով կազմակերպության մասին: Օրինակ՝ stoks:goog
weather: Որոնում է նշված քաղաքի համար եղանակի կանխատեսումը: Օրինակ՝ weather:new york
movie: Որոնում է ամերիկյան կինոթատրուններում նշված ֆիլմի տոմսեր ու սեանսների ժամեր:
flights: Որոնում է չվերթներ ամերիկյան օդանավակայաններից:

xraydiscovery2010-ps[5]

3. Google հաշվիչ
Որոնման տողը կարելի է օգտագործել որպես հաշվիչ: Օրինակ՝
3 + 2 + sqrt(81) կվերադարձնի 14: Թվերը կարելի է մուտքագրել նաև ութական, տասնվեցական և բինար հաշվարկման համակարգերով, դրանցից առաջ նշելով 0o, 0x, 0b համապատասխանաբար: Կարելի է օգտվել հետևյալ գործողուլյուններից և ֆունկցիաներից՝ +,, *, /, % (բաժանման մնացորդ), ^ (աստիճանի բարձրացում),  sqrt (քառակուսի արմատ), nth root ofx (n-րդ աստիճանի արմատ x-ից), sin, cos, tan, ctan, arctan, arcctan, arcsin, arccos, ln, log (10 հիմքով), ! (ֆակտորիալ): Կարելի է բերել թվերը տարբեր ներկայացումների օգտվելով հետևյալ ֆունկցիաներից՝
in hex,  in binary, in octal, in decimal, in roman numerals:
Կարելի է նաև բերել ֆիզիկական մեծությունները տարբեր չափման միավորների: Օրինակ՝ 1 mile in m, 200000km in light-second, 280 kelvin in celsius, 1 month in second և այլն: Փոխակերպել կարելի է նաև տարադրամը, օրինակ՝ 1$ in Australian dollars (ցավոք, հայկական դրամը չի հասկանում), ինչպես նաև խոհարարական չափաքանակները, օրինակ՝ 1 cup + 1 tablespoon in teaspoon (քանի թեյի գդալ է մեկ բաժակը և մեկ ճաշի գդալը):

1 մեկնաբանություն

Filed under IT Հետազոտություն

Շաբաթվա Կայքը–Chrome Experiments

HTML 5-ը՝ չնայած, որ դեռևս գտնվում է վաղ զարգացման փուլում, շարունակում է տարածում գտնել համացանցում: Տեխնոլոգիան այսօր ապահովում են գրեթե բոլոր տարածված browser ծրագրերը: Վերջերս Internet Explorer 9 Beta-ում և Chrome-ի 8-րդ տարբրակում վիդոպրոցեսորի կողմից HTML-ի մուլտիմեդիա և գրաֆիկական հնարավորությոնների արագացման հատկությունը (GPU Acceleration) էլ ավելի «յուղ լցրեցին կրակի վրա Smile»: Այսօր արդեն համացանցում կարելի է տեսնել HTML5-ի նոր հնարավորությունների կիրառման գեցեցիկ օրինակներ, ամբիցիոզ ու հեռանկարային նախագծեր: Chrome Expreiments կայքը նման նախագծերի մի մեծ հավաքածու է առաջարկում ազատ օգտագործման համար: Հետաքրքրական է նաև այն, որ նախագծերի մեծ մասը, կառուցած լինելով ամբողջությամբ HTML5-ով և JavaScript-ով, հնարավորություն են ընձեռնում դիտողին ուսումնասիրել ամբողջ ծրագրային կոդը: Ստորև կբերեմ առավել աչքի ընկնող մի քանի նախագիծ:

1. Google Gravity

gravity

Տեսեք, թե ինչպես են Google-ի որոնման էջի էլէմենտները թռվռում browser-ի պատուհանին, գրավիտացիոն ուժերի ազդեցության ներքո, միաժամանակ մնալով լիովին աշխատունակ…

2. 20 Things I Learned

20things

Այս մեկը գեղեցիկ, լիովին անիմացված պատկերներով էլեկտրոնային գիրք է:

3. The Wilderness Downtown

wilderness

Ձեր բնակության վայրը մուտքագրելուց հետո այս մեկը գեներացնում է ինտերակտիվ վիդեոհոլովակ, մուտքագտած բնակավայրի պատկերներով և Google Maps-ի քարտեզներով (նաև գեղեցիկ երաժշտությամբ):

Ուշադրություն՝ շատ ռեսուրսատար վեբ ծրագիր է!

Կարդացեք նաև՝ Ամեն ինչ HTML5-ի մասին

Թողնել մեկնաբանություն

Filed under Շաբաթվա կայքը