Tag Archives: chrome

Շաբաթվա Կայքը–Chrome Experiments

HTML 5-ը՝ չնայած, որ դեռևս գտնվում է վաղ զարգացման փուլում, շարունակում է տարածում գտնել համացանցում: Տեխնոլոգիան այսօր ապահովում են գրեթե բոլոր տարածված browser ծրագրերը: Վերջերս Internet Explorer 9 Beta-ում և Chrome-ի 8-րդ տարբրակում վիդոպրոցեսորի կողմից HTML-ի մուլտիմեդիա և գրաֆիկական հնարավորությոնների արագացման հատկությունը (GPU Acceleration) էլ ավելի «յուղ լցրեցին կրակի վրա Smile»: Այսօր արդեն համացանցում կարելի է տեսնել HTML5-ի նոր հնարավորությունների կիրառման գեցեցիկ օրինակներ, ամբիցիոզ ու հեռանկարային նախագծեր: Chrome Expreiments կայքը նման նախագծերի մի մեծ հավաքածու է առաջարկում ազատ օգտագործման համար: Հետաքրքրական է նաև այն, որ նախագծերի մեծ մասը, կառուցած լինելով ամբողջությամբ HTML5-ով և JavaScript-ով, հնարավորություն են ընձեռնում դիտողին ուսումնասիրել ամբողջ ծրագրային կոդը: Ստորև կբերեմ առավել աչքի ընկնող մի քանի նախագիծ:

1. Google Gravity

gravity

Տեսեք, թե ինչպես են Google-ի որոնման էջի էլէմենտները թռվռում browser-ի պատուհանին, գրավիտացիոն ուժերի ազդեցության ներքո, միաժամանակ մնալով լիովին աշխատունակ…

2. 20 Things I Learned

20things

Այս մեկը գեղեցիկ, լիովին անիմացված պատկերներով էլեկտրոնային գիրք է:

3. The Wilderness Downtown

wilderness

Ձեր բնակության վայրը մուտքագրելուց հետո այս մեկը գեներացնում է ինտերակտիվ վիդեոհոլովակ, մուտքագտած բնակավայրի պատկերներով և Google Maps-ի քարտեզներով (նաև գեղեցիկ երաժշտությամբ):

Ուշադրություն՝ շատ ռեսուրսատար վեբ ծրագիր է!

Կարդացեք նաև՝ Ամեն ինչ HTML5-ի մասին

Advertisements

Թողնել մեկնաբանություն

Filed under Շաբաթվա կայքը

7 օգտակար հավելում Google Chrome-ի համար

Google Chrome-ը, լինելով ամենաարագ ու հանրահայտ ինտերնետային browser-ներից մեկը, չորրորդ տարբերակից ի վեր հարստացավ մի շատ կարևոր հատկությամբ – այժմ ծրագրին կարելի է կցել բազմազան հավելումներ: Ներկայացնում եմ իմ կարծիքով ամենաօգտակար յոթ հավելումները:

google-chrome-logo
AdBlock v2.0.23
Չափազանց կարևոր հավելում է: Վեբ էջերից հեռացնում է գովազդները: Այսպիսով խնայում է էջերի բեռնման ժամանակը, և, ինչու չէ, նաև ձեր տրաֆիկը: Շատ ճկուն կարգավորվող հավելում է: Գովազդների հեռացումը կատարվում է ինչպես նախապես պատրաստված ֆիլտրների միջոցով (կա նաև ֆիլտր ռուսալեզու կայքերի համար), այնպես էլ օգտվողի կողմից կազմած ֆիլտրի միջոցով: Վերջին 2.0.23 տարբերակը հեռացնում է նույնիսկ YouTube վիդեո պորտալում տեսահոլովակների մեջ հայտնվող գովազդները:

YouTube Downloader v1.6.5
Դե, բացատրություններն ավելորդ են: Անունից հասկացվում է, թե ինչ է անում այս հավելումը: Շատ լավ աշխատում է YouTube-ի վերջերս թարմացրած հետ: Թույլ է տալիս ընտրել բեռնելիք վիդեո ֆայլի ֆորմատը (flv կոնտեյներ կամ mp4) և կետականությունը (resolution):

Zemanta v0.5.1
Այս հավելումը կհետաքրքրի բլոգերներին և նրանց, ովքեր շատ են օգտվում էլ. փոստից: Սրանով էլ. փոստերի և բլոգինգի տարածված հարթակների (wordpress.com, blogger, typepad) օնլայն խմբագրիչները հարստացվում են նոր, ճկուն գործիքներով: Zemanta-ն կարող է նաև կոնտեքստից կախված նկարներ, վիդեոներ ու նորություններ որոնել: Մի խոսքով, արժե փորձել:

Jango v1.0
Jango.com-ը անվճար ինտերնետային ռադիո ծառայություն է: Կարգավորվում է ձեր երաժշտական նախասիրություններին համապատասխան և ցանկացած պահի նվագում է ձեր նախընտրած երաժշտությունը: Jango հավելումը Chrome-ի համար թույլ է տալիս միշտ browser-Ի մի անկյունում ունենալ Jango-ի ռադիո player-ը:

WebPage Screenshot v4.5.4.2 
Այս մեկը թույլ է տալիս ձեզ արագ ու հեշտ «լուսանկարել» ինչպես ամբողջ վեբ էջեր, այնպես էլ վեբ էջերի հատվածներ և պահել նկարները png կամ jpg ֆորմատներով:

Shareaholic for Chrome v3.2
Կիսվեք հետաքրքիր էջերով ընկերների հետ Facebook, Twitter ցանցերով, ինչպես նաև էլէկտրոնային փոստով: Ունի էջին կարճ հղումներ գեներացնելու հնարավորություն (սա հատկապես կհետաքրքրի Twitter-ից օգտվողներին):

Forecastfox Weather 1.5.12
Հավելումը մեկ սեղմումով բերում է օգտվողի կողմից տրված քաղաքների առաջիկա 7 օրվա մանրամասն եղանակի տեսությունը: Աշխատում է accuweather.com ծառայության հիման վրա: Հայաստանի քաղաքները ևս հասանելի են:

1 մեկնաբանություն

Filed under IT Հետազոտություն

Browser-ների պատերազմը

220618

Browser-ների պատմությունը
Ինտերնետային browser-ծրագրերը այսօր հանդիսանում են կարևորագույն և ամենապահանջվող ծրագրերը (չհաշված վիդեո խաղերը): Այսօր դրանք թողարկում են տեղափոխելի սարքերի համար (Opera Mini), դրանց հիման վրա կառուցում են ամբողջական օպերացիոն համակարգեր (Chrome OS):
Դրությունը browser-ների շուկայում նման չէ 10 տարի առաջվա իրավիճակին, երբ շուկայի խոշոր խաղացողները միայն Netscape-ը և Microsoft-ն էին: Microsoft-ին այն ժամանակ առանձնապես ջանք չպահանջվեց համակարգիչներ վաճառող ընկերություններին արգելել սարքերի վրա Netscape Navigator-ի տեղադրումը, այսպիսով «խեղդելով» Netscape ընկերությանը: Ռեդմոնտի գիգանտի նման ագրեսիվ քաղակականությանը հետևեցին մի շարք դատական հայցեր և antitrust միջոցառումներ: Շուկայում հայտնվեցին նոր լուծումներ, մասնավորապես Opera-ն և Mozilla-ի հիման վրա կառուցած Firefox-ը: Ուշագրավ է նաև Mac OS համակարգի բնիկ Apple Safari-ի փոխադրումը Windows միջավայր: Դրությունն էլ ավելի թեժացավ, երբ 2008թ սեպտեմբերին Google-ը ներկայացրեց իր Chrome բաց ծրագրային կոդով նախագիծը:

Browser-ները և անվտանգությունը
Browser-ները անմիջական կապ ունեն ինտերնետի հետ, ահա թե ինչու շատ կարևոր է դրանց ապահով կառուցումը: Browser-ի փոքրագույն թերության դեպքում իսկ հաքերները կփորձեն դրա միջոցով իրենց ձեռքը վերցնել ամբողջ օպերացիոն համակարգը: Ահա թե ինչու browser արտադրող ընկերությունները պարբերաբար կազմակերպում են համակարգչային մասնագետների մրցույթներ, առաջարկելով գումար նրանց, որոնք նման թերություններ կգտնեն ծրագրերի մեջ: Google-ի Chrome-ը այս առումով համարվում է բացարձակապես անձեռնամխելի: Մասնագետների կարծիքով գաղտնիքը թաքնված է Chrome-ի շատ բարդ ու անհասկանալի ճարտարապետության մեջ:

Browser-ները և արագությունը
Շատերն ասում են, թե բացարձակապես անիմաստ է չափել այս կամ այն browser-ի էջերը բացելու արագությունը և համեմատել մյուսների հետ, չէ որ էջը բացելու արագությունը կախված է միայն տվյալ պահին օգտվողի կապի արագությունից ու սերվերի գերբեռնվածության աստիճանից: Այսպիսով, կարելի է ենթադրել, որ արագ/դանդաղ browser հասկացությունները լոկ գովազդային բնույթ են կրում: Ես համամիտ չեմ վերը ասվածի հետ: Դա ճիշտ կլիներ մոտ 10-15 տարի առաջ, երբ ինտերնետային էջերը զուտ տեքստի և պարզագույն նկարների խառնուրդ էին ներկայացնում: Այսօր իսկ էջերը պարունակում են ամենաբազմազան ու բարդ կոնտենտ, սկսած մուլտիմեդիայից, վերջացրած էջի մեջ ներդրված լիարժեք ծրագրերից: Վերցնենք օրինակ Internet Explorer 7-ը: Երբ էջի վրա բավականին ծավալուն Java Script է աշխատում, այն կենտրոնանում է միայն այդ script-ը կատարելու վրա և չի արձագանքում օգտվողի հրահանգներին: Համեմատության կարգով կարելի է նշել, որ Chrome-ը յուրաքանչյուր էջի համար, նույնիսկ յուրաքանչյուր կլիենտային script-ի համար առանձին պրոցես է ստեղծում, սրանով բացառվում է, որ մի էջի կամ ծրագրի խափանումը/աշխատանքը հանգեցնի մյուսների խափանմանը/աշխատանքի ավարտին: Արագության հետ կապված ևս մեկ խնդիր է մուլտիմեդիայի պատկերումը (rendering): Microsoft-ը խոստանում է IE9-ում լիարժեք ապարատային մակարդակով գրաֆիկայի պատկերում, անկասկած, մյուսները ևս կհետևեն նրա օրինակին: Խնդիրը էլ ավելի կրիտիկական կդառնա, երբ մոտ ապագայում ներկայացվի HTML5 ստանդարտի WebGL եռաչափ տեսարաններ պատկերելու տեխնոլոգիան:

Browser-ները և վիճակագրությունը
Browser-ների վիճակագրությունը արձանագրող www.w3schools.com կայքի համաձայն այսօր ամենաշատ օգտագործողներն ունեն Internet Explorer-ը (33,4%) և Firefox-ը (46,4%): Ամենաարագ կերպով շատանում են Chrome-ի օգտվողները՝ 13,6%, ինչը 4 անգամ գերազանցում է նախորդ տարվա ցուցանիշը: Ահա ավելի ամբողջական պատկերը՝

browserstats

Թողնել մեկնաբանություն

Filed under IT Հետազոտություն

Ամեն ինչ HTML 5-ի մասին

Ստատիկ ինտերնետային էջերի ներկայացման HTML լեզվի նորագույն ստանդարտը՝ HTML 5-ը դեռ չի հասցրել ավարտուն ստանդարտի վերածվել, բայց արդեն լայնորեն կիրառվում է վեբ դիզայնի մասնագետների ու խոշորագույն web browser-ներ արտադրող ընկերությունների կողմից: HTML 5-ի կառուցման համար պատասխանատու անձնակազմի խոսքերով աշխատանքները կավարտվեն հեռավոր 2024 թվականին, բայց հիմնական նորամուծությունները, որոնց մասին հիմա կխոսենք, արդեն կիրառվում են բազմաթիվ վեբ կայքերում:

HTML5-logo

HTML 5-ի ստեղծման դրդապատճառները
Աշխարհի ինտերնետային կայքերի մեծամասնության կորիզը կազմող HTML4 լեզուն (Hyper Text Markup Language) արդեն 10 տարեկան է: Շատ բան է փոխվել ինտերնետի զարգացման ճանապարհին այս 10 երկար տարիների ընթացքում: Պարզագույն տեքստ և նկարներ պարունակող կայքերը վերածվել են զանազան մուլտիմեդիա կոնտենտ պարունակող բարդ միջավայրի: Այդ զանազան մուլտիմեդիան պատկերելու համար անհրաժեշտ տեխնոլոգիաների ստանդարտ մինչև օրս չի կիրառվում: Սա շփոթություն ու բազմաթիվ տեխնիկական խնդիրներ է առաջացնում նույնիսկ հմտորեն վեբից օգտվողի մոտ: Հենց այս հանգամանքները դրդեցին web browser-ներ արտադրող խոշորագույն քառյակի` Mozilla, Google, Apple, Opera (ճիշտ նկատեցիք, Microsoft-ը չկա այստեղ), և W3C համաշխարհային ցանցի կոնսորցիումի (World Wide Web Consortium) կողմից նոր HTML ստանդարտի կառուցման մասին մտածել:

HTML 5-ը և մուլտիմեդիան
Նոր ստանդարտի երևի ամենապահանջվող հնարավորությունը մուլտիմեդիայի, առանց երրորդ կողմի հավելում-ծրագրերի (plugin), ապահովումն է: Խոսքը գնում է մասնավորաբար <audio> և <video> նշիչների մասին (tag): Ճիշտ է, դեռ բանակցություններ են գնում վիդեոի ստանդարտ ֆորմատի վերաբերյալ, բայց դա ամենայն հավանականությամբ կլինի H267 ֆորմատը: Սա տեղիք է տալիս որոշ անհանգստությունների օգտվողների շրջանակներում: Բանն այն է, որ չնայած նրան, որ այս ֆորմատը շատ լավ է իրեն դրսևորում համարյա բոլոր թվային սարքերի վրա և ապահովում է վիդեոի պատկերման հիանալի որակ, նրա պատենտի տեր ընկերությունը մտադրվում է մի քանի տարի անց դարձնել այն վճարովի: Ամեն դեպքում, վիդեո նշիչի առկայությունը վերջ կդնի ինտերներում Adobe Flash Video-ի թագավորությանը: Բացի այդ, հնարավոր կլինի վիդեո պատկերեկու գործը (video rendering) լիովին թողնել վիդեո պրոցեսորի վրա, ինչը այդպես էլ հաջողությամբ չիրագործվեծ Adobe-ի .flv-ի դեպքում:

HTML 5-ը և վեկտորային գրաֆիկան 
Մեկ այլ չափազանց կարևոր նորամուծություն է իրենից ներկայացնում Canvas ֆունկցիան: Սրա օգնությամբ հնարավոր է վեբ կայքի որոշակի հատվածում պատկերել վեկտորային գրաֆիկա, կրկին առանց երրորդ կողմի հավելումների (Adobe Flash, Microsoft Silverlight) օգտագործման: Ապա հնարավոր է կառավարել վեկտորային օբյեկտները օրինակ JavaScript- միջոցով: www.freeciv.org կայքում արդեն կարելի է փորձարկել նորամուծությունը, խաղալով հանրահայտ Civilization խաղի ինտերնետային տարբերակը: Canvas-ի առկայոսթյունը ևս մեկ անգամ ցույց է տալիս, որ Adobe Flash-ի ապագան վեբ կայքերում շատ մշուշոտ է: Ասում են, նույնիսկ Adobe-ը դեմ չի լինի վեբ կայքերից Flash-ի վերացմանը, չէ որ անվճար Flash Player հավելուների կառուցումը և տեխնիկական սպասարկումը միլիոններ է «նստում» նրա վրա: Canvas-ը ավելի գրավիչ կլինի, երբ ավարտվի եռաչափ գրաֆիկայի արտածման WebGL տեխնոլոգիայի վրա տարվող աշխատանքները, որի առկայության դեպքում հնարավոր կլինի վեբ էջերում լիարժեք եռաչապ վեկտորային տեսարաններ ստանալ OpenGL տեղափոխելի գրադարանի միջոցներով:

HTML 5-ը և այլ նորամուծությունները
Պակաս կարևոր չէ նաև Web Workers անունը կրող տեխնոլոգիան, որն ապահովում է բարդ մուլտիմեդիա և գրաֆիկական կոնտենտ պարունակող կայքերում զուգահեռ հաշվարկներով (parallel computing) ավելի արագ կոնտենտի բեռնումը և արտածումը: Սա շատ արդյունավետ է, մանավանդ հաշվի առնելով Canvas-ի, և մասնավորաբար գալիք WebGL-ի ռեսուրսատարությունը: Մեկ այլ, Web Storage անունով տեխնոլոգիան վերջ կդնի Cookey ֆայլերի առկայությանը: Այժմ արդեն ամբողջական վեբ ծրագրերը և նույնիսկ վեբ կայքերը կպահվեն լոկալ մինչև 10mb ծավալ ունեցող ֆայլերում, ինչի շնորհիվ հնարավոր կլինի օգտվել դրանցից նույնիսկ ինտերնետի բացակայության դեպքում: Փաստորեն Web Storage-ը վերացնում է որոշ browser-ներում կիրառվող online – offline ռեժիմները: Ուշադրության են արժանի նաև Web Forms 2.0 (տեսնես սա կապ ունի Microsoft .Net-ի Web Forms-ի հետ?) և GeoLocation տեխնոլոգիաները: Առաջինի միջոցով ավելի արդյունավետ ու հուսալի է դառնում կլիենտի և սերվերի միջև տվյալների փոխանակումը, իսկ երկրորդը թույլ կտա իմանալ համակարգչի գտնվելու վայրը (էլ ուր մնաց privacy-ն?):

Ստորև բերվում է browser-ծրագրերի՝ HTML5-ի հետ համատեղելիության ցուցակը

Internet Explorer 8 Mozilla Firefox 3.5 Apple Safari 4 Google Chrome 4 Opera 10.50
<audio>/<video> + + + +
Canvas + + + +
Web Storage + + + +
Web Workers + + +
Geo Location + + +

Մեկնաբանություններ (3)

Filed under IT Հետազոտություն

Google Chrome OS կամ համաշխարհային “գուգլիզացիայի” նոր պտուղները

Աշխարհի ամենադինամիկ զարգացող ձեռնարկությունը պատրաստվում է թողարկել իր օպերացիոն համակարգը՝ Google Chrome OS-ը: Այն նախատեսված է նեթբուքներում օգտագործելու համար: Նոր համակարգում շեշտը կտրուկ դրված է web-based ծրագրերի աշխատանքի ապահովման վրա: Հենց համակարգի անունը փաստում է այն մասին, որ նրա միջուկը լինելու է մեծ տարածում գտած Chrome բրաուզերը: Ստորև փակցված է Քրոմի ներկայացման պաշտոնական տեսահոլովակը:

Ինչպես երևում է, համակարգը դեռևս լինելով կառուցման փուլում, boot պրոցեսը վերջացնում է ընդհամենը 7 վայրկյանում (հաշվի առնենք նաև որ համակարգը փորձարկվում է համեմատաբար դանդաղագործ նեթբուքի վրա): Ահա ևս մեկ տեսահոլովակ, որը ավելի շատ նախատեսված է շարքային օգտագործողի համար ու չի մանրամասնում ծրագրակազմի առանձնահատկությունները:

Ու եթե այս ամենին ավելացնենք այն, որ Քրոմը բաց ծրագրային կոդով պրոյեկտ է ու հետևաբար տարածվելու է անվճար ու հաշվի առնենք ինտերնետի տարածման ահռելի տեմպերը, վստահաբար կարելի է պնդել, որ Chrome OS-ը կդառնա դոմինանտ համակարգ նեթբուկների շուկայում:

Հա ու չմոռանաք այցելել Քրոմի պաշտոնական բլոգը:

P.S. P2P ցանցերում արդեն կարելի է բեռնել Chrome OS-ի առաջին բետա տարբերակները: Ես ինքս ազատ ժամանակ ունենալու դեպքում կաշխատեմ փորձարկել բետաները ու արդյունքները հայտնել ձեզ:

Թողնել մեկնաբանություն

Filed under IT Նորություններ