Nokia World 2011

Հոկտեմբերի 26-27-ին Լոնդունում կայացավ Nokia-ի վերջին արտադրանքի և փորձնական տեխնոլոգիաների Nokia World պաշտոնական ցուցահանդեսը: Պետք է ասել, որ երկու տարի առաջբջջային հեռախոսների վաճառքով առաջատար ընկերությունը միջին և թանկ արժողության հեռախոսների սեգմենտում դեռ պայքարում է (և բավականին հաջող) Android-ների և iPhone-ների հետ:
Նախ, պետք է նշել, որ կայացավ այն, ինչի մասին երկար «բամբասում» էին ինտերնետում, ոմանց սա կարող է գոհացնի, ոմանց մոտ դժգոհություններ առաջացնի – Nokia-ն ներկայացրեց իր Windows Phone 7.5 Mango-ով աշխատող մոդելները: Nokia-ի հետ համագործակցելը թերևս կարելի է համարել Microsoft-ի ամենալուրջ քայլը իր նոր Windows Phone-ը առաջ տանելու հարցում: Կարդարանան արդյոք ընկերությունների սպասելիքները, ցույց կտա ժամանակը:

Ավելի հետաքրքրական են Nokia-ի նոր տեխնոլոգիական լուծումները: Հիանալի է ճկուն էկրանով պլանշետի պրոտոտիպը (այո, այո, իրական աշխատող սարք են ցուցադրել): Դիտեք տեսանյութը.

Ճկվող էկրանով պլանշետի պրոտոտիպը

Ի միջի այլոց, ցուցահանդեսից օրեր անց Samsung-ը հայտարարել է, որ պատրաստվում է 2012-ին սկսել նման էկրաններով հեռախոսների թողարկումը:
Հետաքրքվողներին առաջարկում եմ դիտել ֆիննական ընկերության  N9 հեռախոսի արտադրման պրոցեսի մասին պատմող տեսանյութը: Մասնագետների կարծիքով, iPhone-ի թողարկման օրվանից սա  hardware դիզայնի տեսանկյունից ամենանշանակալից սարքավորումն է: Դժվար չէ նկատել, որ արտաքինից N9-ը գրեթե նույնությամբ կրկնում է Lumia 800 Windows Phone-ը (տե՛ս նկարը):

Nokia N9 սմարթֆոնի արտադրության պրոցեսը

Եվ վերջում, առաջարկում եմ կարդալ բլոգում վաղուց տեղադրված iPhone-ները արտադրող Foxconn գործարանի մասին հոդվածը… Նույնիսկ անհնար է համեմատել ինքնասպանության մասին երազող Foxconn-ի աշխատողների վիճակը և Nokia-ի գործարանում տիրող մթնոլորը:

Orange Expo Review

Հոկտեմբերի 15, 16, 17-ին Orange Armenia-ն Հյուսիսային պողոտայում գտնվող իր սպասարկման կենտրոնում կազմակերպեց է «Ապագան Այսօր է» խորագրով ցուցահանդես: Ցուցանմուշները հետաքրքիր տեխնոլոգիաներ, ծառայություններ ու սարքեր էին, որոնց մի մասը մշակվել են Ֆրանսիական Orange Labs հետազոտական կենտրոնում և առաջին անգամ էին ցուցադրվում տարածաշրջանում:

Ուշագրավ նմուշներից կարելի է նշել Liveradio Vintage և Hi-Fi Adapter անունները կրող սարքերը, որոնցից առաջինը տեսքից հիշեցնում է դասական ռադիոընդունիչ, բայց իրականում WiFi-ով կարող ե կապնվել ցանկացած ինտերներային ռադիոկայանին կամ համակարգչում պահվող երաժշտությանը: Երկրորդը նման է առաջին սարքին, միայն թե սա ժամանակակից մինիմալիստիկ դիզայնով է աչքի ընկնում ու ձայն արտադրում է բարձր հստակությամբ:

Արժե նշել նաև Domino անունը կրող հետաքրքիր WiFi ցրիչի մասին, որը կարող է կապվել մինչև հինգ սարքավորման հետ և 3G+/WiFi տեխնոլոգիաներով հասանելի դարձնել ինտերնետը:

Մեկ այլ հետաքրքիր էքսպոնատ էր LG-ի արտադրած ձեռքի ժամացույց-հեռախոսը (հետաքրքիր է, սրանք կվաճառեն Orange-ի խանութներում?): Ցուցահանդեսին մեզ բացատրեցին, որ այս սարքով կարելի է զանգել, զանգեր ստանալ (նաև տեսազանգեր) և նույնիսկ հաղորդագրություններ ուղարկել:
Բոլոր ցուցանմուշների մասին տեղեկություն ստանալու համար այցելեք ցուցահանդեսի էջը:

Համարենք, որ Orange Expo-ն բավականին հետաքրքիր նախավարժանք էր սույն ամսվա վերջում կայանալիք Digitec Expo 2010-ի նախօրեին:

Kinect — Խաղ խաղալու համար կառավարման վահանակ այլևս պետք չէ

Վերջերս Լոս Անջելեսում կայացած E3 ցուցահանդեսի ժամանակ Microsoft-ը ներկայացրեց իր նոր սարքը, որը հավելում է իր իսկ XBox 360 խաղային կոնսոլների ընտանիքի համար: Սարքը, որը կառուցման փուլում կրում էր Project Natal անունը, միացվում է ցանկացած XBox 306-ի, ունի տեսաձայնագրիչ, բազմաթիվ սենսորներ, որոնց շնորհիվ այն կարող է ֆիքսել իր դիմաց կանգնած մարդու շարժումները, հասկանալ ձայնային հրահանգները, դեմքը, և այլն:

Սարքի տեխնիկական տվյալների մասին դեռ քիչ բան է հայտնի: Հայտնի է, որ սարքն ի վիճակի է 30fps հաճախականությամբ ձայնագրել մարդու շարժումները, հետևելով նրա մարմնի վրա 48 կետի դիրք փոփոխություններին: Սարքը հանրությանը ներկայացրել են հանրահայտ կանադական Cirque du Soleil կրկեսի աճպարարները: Առաջարկում եմ դիտել ներկայացումը.

Ներկայացման օրվանից 40 միլիոն XBox360 է վաճառվել, Kinect-ի շնորհիվ սպասվում է, որ թիվը կկրկնապատկվի, որովհետև ակնկալվում է, որ այն դուր ն XBox360 է վաճառվել, Kinect-ի շնորհիվ սպասվում է, որ թիվը կկրկնապատկվի, որովհետև ակնկալվում է, որ այն դուր կգա նույնիսկ այն խմբերի մարդկանց, ովքեր չեն հետաքրքրվում վիդեո խաղերով: Սարքի թողարկման կոնկրետ ժամկետը և տեխնիկական բնութագրերը կհրապարակվեն մոտ մի ամսից: