Tag Archives: հեռախոս

Nokia World 2011

Հոկտեմբերի 26-27-ին Լոնդունում կայացավ Nokia-ի վերջին արտադրանքի և փորձնական տեխնոլոգիաների Nokia World պաշտոնական ցուցահանդեսը: Պետք է ասել, որ երկու տարի առաջբջջային հեռախոսների վաճառքով առաջատար ընկերությունը միջին և թանկ արժողության հեռախոսների սեգմենտում դեռ պայքարում է (և բավականին հաջող) Android-ների և iPhone-ների հետ:
Նախ, պետք է նշել, որ կայացավ այն, ինչի մասին երկար «բամբասում» էին ինտերնետում, ոմանց սա կարող է գոհացնի, ոմանց մոտ դժգոհություններ առաջացնի – Nokia-ն ներկայացրեց իր Windows Phone 7.5 Mango-ով աշխատող մոդելները: Nokia-ի հետ համագործակցելը թերևս կարելի է համարել Microsoft-ի ամենալուրջ քայլը իր նոր Windows Phone-ը առաջ տանելու հարցում: Կարդարանան արդյոք ընկերությունների սպասելիքները, ցույց կտա ժամանակը:
Untitled-2
Ավելի հետաքրքրական են Nokia-ի նոր տեխնոլոգիական լուծումները: Հիանալի է ճկուն էկրանով պլանշետի պրոտոտիպը (այո, այո, իրական աշխատող սարք են ցուցադրել): Դիտեք տեսանյութը.

Ճկվող էկրանով պլանշետի պրոտոտիպը

Ի միջի այլոց, ցուցահանդեսից օրեր անց Samsung-ը հայտարարել է, որ պատրաստվում է 2012-ին սկսել նման էկրաններով հեռախոսների թողարկումը:
Հետաքրքվողներին առաջարկում եմ դիտել ֆիննական ընկերության  N9 հեռախոսի արտադրման պրոցեսի մասին պատմող տեսանյութը: Մասնագետների կարծիքով, iPhone-ի թողարկման օրվանից սա  hardware դիզայնի տեսանկյունից ամենանշանակալից սարքավորումն է: Դժվար չէ նկատել, որ արտաքինից N9-ը գրեթե նույնությամբ կրկնում է Lumia 800 Windows Phone-ը (տե՛ս նկարը):

Nokia N9 սմարթֆոնի արտադրության պրոցեսը

Եվ վերջում, առաջարկում եմ կարդալ բլոգում վաղուց տեղադրված iPhone-ները արտադրող Foxconn գործարանի մասին հոդվածը… Նույնիսկ անհնար է համեմատել ինքնասպանության մասին երազող Foxconn-ի աշխատողների վիճակը և Nokia-ի գործարանում տիրող մթնոլորը:

Թողնել մեկնաբանություն

Filed under IT Նորություններ

Ինչ – Որտեղ – Երբ ԵՊՀ-ում 7

Ինչ – Որտեղ – Երբ ԵՊՀ-ում 6ի պատասխանները.

  1. Վիճակահանություն
  2. Ծափահարությունների տևողությունը
  3. Բուրգեր
  4. Մեծ դեպրեսիա
  5. Լուսանկար (Ժոզեֆ Նիսեֆոռ Նեյպսը 1826թ.-ին մետաղական թիթեղի վրա ստացավ աշխարհում առաջին լուսանկարը, որը պատված էր ասֆալտի բարակ շերտով, իսկ խոստումը՝ «ծիտիկը թռավ»)
  6. թանաք
  7. ձուկ
  8. մնացած 3 անիվները
  9. Ֆրանսիա և ԱՄՆ, խոսքը Ազատության արձանի մասին է
  10. Շրջանաձև ծռված

 

  1. Նոստրադամուսի գուշակություններում «սով» բառը հանդիպում է 38 անգամ, «ժանտախտ»-ը` 42 անգամ, «կրակ»-ը` 78, «արյուն»-ը` 89,  «ճակատամարտ»-ը` 111 անգամ: Իսկ ո՞ր բառն է հանդիպում ամենաշատը` 139 անգամ:
  2. Շառլ դը Գոլլը Ֆրանսիայի մասին. «Ինչպես կարելի է ղեկավարել մի երկիր, որտեղ 246 տեսակ ի՞նչ կա»:
  3. Հեռախոսի գյուտարար Ալեքսանդր Բելլը ոչ մի անգամ չի զանգել իր մորն ու կնոջը: Ինչու՞:
  4. Այս երևույթը կատարվել և կատարվում է բոլորիս հետ, քանզի դա կենսական կարևոր երևույթ է: Հնարավոր չէ անել դա բաց աչքերով: Դա անելուց հետո տարբեր երկրներում շրջապատի մարդիկ տարբեր ձև են  արձագանքում. օրինակ Մոնղոլիայում ասում են` «Թող Աստված ների քեզ», իսկ Ֆրանասիայում և Չեխիայում  հակառակը` «Աստված օրհնի»: Այժմ անվանեք ոչ թե երևույթը, այլ թե ինչպես են արձագանքում այս երևույթի ականատեսները Հայաստանում:
  5. Նա համարվում է անգլիական գրականության «Առաջին Լեդին»: Իր կարճատև կյանքի ընթացքում նա գրել է 6 վեպ, որոնք աչքի են ընկնում իրենց նրբաճաշակ «անգլիական» հումորով, գործող անձանց կերպարների ռեալիստական կատարյալ նկարագրությամբ, հոգեբանական ապրումների փոխանցմամբ:
  6. Այս վեպը աշխարհի ամենահայտնի վեպերից մեկն է, էկրանավորվել է ավելի քան 25 անգամ: Այն գրվել է ընդամենը 3 շաբաթում: Հրապարակումից հետո բոլոր բրիտանական քննադատները դատապարտեցին այն որպես անբարոյական ստեղծագործություն, որոշ քննադատներ պահանջեցին արգելքի տակ դնել այն, իսկ  վեպի հեղինակին` դատական ​​պատժի ենթարկել, հասարակական բարոյականությունը վիրավորելու համար, սակայն սովորական ընթերցողների կողմից վեպն ընդունվեց մեծ խանդավառությամբ: Այժմ անվանեք ոչ թե վեպը, այլ հեղինակին, ով 2007 թվականին, BBC-ի անցկացրած հատուկ հարցման արդյունքում դարձավ Մեծ Բրիտանիայի ամենասրամիտ մարդը, անցնելով Շեքսպիրին և Չերչիլին:
  7. Ամենաշատը քանի՞ ձի կարելի է տեղավորել շախմատի տախտակի վրա այնպես, որ նրանք իրար չհարվածեն:
  8. Մի փոքր պատմություն հայտնի էպոսից. «Շատ հայտնի գետի մի ափին ապրում էր արքայադուստ Շավան, իսկ մյուս ափին քաջարի Վարա իշխանը… Դարեր ի վեր նրանք այդպես էլ չկարողացան ապրել միասին…»: Ո՞ր երկրի էպոսից էր այդ հատվածը, որի գլխավոր հերոսներն են Շավան և Վարան:
  9. Մենք բոլորս կյանքի ընթացքում դա ունենում ենք անխտիր 2 անգամ, իսկ 3-րդ անգամ ունենալու պետք է վճարենք: Ի՞նչն է դա:
  10. Այդ մասնագիտության տեր մարդու հետ հարցազրույցի ժամանակ նա խոստովանեց, որ նախանձում է նկարիչին , քանի որ նրա ստեղծագործությունը շատ երկար է պահպանվում, իսկ իրենը հաշված րոպեներում անհետանում է: Ի՞նչ մասնագիտություն ունի նա:

Մեկնաբանություններ (14)

Filed under Համալսարանական, Մտածենք...

IT նորությունները համառոտ – 2

Windows Phone 7-ը դուրս է գալիս թատերաբեմ
Windows Phone 7-ով HTC հեռախոս

Microsoft-ը թողարկում է սմարթֆոնների համար նախատեսված իր օպերացիոն համակարգի նոր տարբերակը: Windows Phone 7-ով հեռախոսները կհայտնվեն վաճառքում ավելի քան 40 երկրներում սույն ամսի վերջում: Սարքերի արտադրողների թվում նշվում են HTC, LG, Samsung ընկերությունները, իսկ տարածող օպերատորները AT&T-ն, verizon-ը և ավելի ուշ՝ T-Mobile-ը:
 ,E-3-264891-3
Ստեղծող թիմի հավաստմամբ Microsoft-ին վերջապես հաջողվել է ստեղծել օպերացիոն համակարգ, որը իրոք հարմար է սմարթֆոններում օգտագործման համար: Microsoft-ը զինել է Windows Phone 7-ը իր գրեթե ամբողջ ծրագրային արսենալի թեթևածված տարբերակով՝ Office for Phone, Internet Explorer, և այլն: Խաղերի սիրահարները նույնիսկ կունենան XBOX Live Phone ծառայություն, որի միջոցով կկարողանան բեռնել խաղեր և զանազան մուլտիմեդիա կոնտենտ:

Toshiba-ն թողարկում է 1TB տարողունակությամբ օպտիկական սկավառակ
tdk_disc-590x352

Toshiba-ն պատրաստվում է թողարկել 1TB տարողունակությամբ օպտիկական սկավառակներ: Սկավառակը բաղկացած է լինելու 16 երկկողմանի կրիչ շերտերից, որոնց կողմերից յուրաքանչյուրի տարողունակությունն է 32Gb: Նյութը, որն օգտագործվում է այս նախատիպում, արդեն իսկ օգտագոտծվել է Blu-Ray սկավառակներ թողարկող ընկերությունների կողմից: Հիշեցնենք, որ ամենատարողունակ Blu-Ray-ը այսօր ունի 4 շերտ և կարող է կրել ընդհամենը 50Gb ինֆորմացիա:

Հասանելի է Internet Explorer 9-ի առաջին բաց բետան

Վերջերս Microsoft-ը իր կայքում տեղադրել է IE9-ի առաջին public beta տարբերակը և մենք չհապաղեցինք այն տեստավորել: Ինտերֆեյսի դիզայնը ակնհայտորեն հետևում է Google Chrome-ին՝ մինիմալ մեծությամբ էլեմենտներ պանելներին ու մաքսիմում տարածություն վեբ կայքերի համար:
Capture
Պետք է ասել, որ այն աշխատում է զարմանալիորեն արագ: Պաշտոնական տվյալներով միանում է 0,2 վայրկյանում: Իհարկե, նկատվել են որոշակի թերություններ (օրինակ՝ ֆորմեր լրացնելիս drop-down մենյուները այնքան էլ ճիշտ չեն աշխատում), բայց դրանք անկասկած կշտկվեն վերջնական տարբերակում: Թե իրականում ինչքան արագ է աշխատում նոր IE-ն, կիմանանք վերջին տարբերակի տեստերի արդյունքում:

Թողնել մեկնաբանություն

Filed under IT Նորություններ

Nokia N8 — սուսուփուս Nokia-ի աղմկոտ անակնկալը


Ֆինլանդական Nokia-ն պատրաստում է արտադրել իր նոր մուլտիմեդիա հեռախոսը՝ N8-ը (նույնիսկ անհարմար է սրան հեռախոս անվանել): Մուլտիմեդիա համակարգիչը օժտված է 12Mpx տեսախցիկով, որը ի վիճակի է 720p բարձր կետայնությամբ 25fps տեսահոլովակներ նկարել: Nokia-ի խոսքերով N8-ում օգտագործված օպտիկան ամենաորակյալն է, որ երբևէ տեղադրվել է հեռախոսի վրա: Բացի այդ տեղադրված է նաև քսենոնային flash (вспышка): Սարքի վրա նույնիսկ կա HDMI ինտերֆեյս, որով կարելի է հեռախոսը միացնել HD հեռուստացույցի: Մարտկոցը թույլ է տալիս 2 օր անընդմեջ երաժշտություն լսել, կամ 6 ժամ վիդեո դիտել: Սարքում տեղադրված է 680Mhz հաճախականությամբ աշխատող ARM11 պրոցեսոր: Ներդրված հիշողությունը 16Gb է, SD քարտերի միջոցով հնարավոր է ավելացնել մինչև 48Gb: N8-ի պատյանը կազմված է ամբողջական ալյումինի կտորից:
Այն առաջին սարքն է, որն աշխատում է նոր Symbian ^3 (Symbian Cube) օպերացիոն համակարգով: Զարմանալի է, Nokia-ն դեռ չի հասցրել շուկայում իրացնել իր Maemo Linux ՕՀ-ով աշխատող N900-ը, ու արդեն առաջարկում է բոլորովին նոր համակարգով սարք: Արդյոք ընկերության hi-tech լուծումների նման բազմազանությունը չի շփոթեցնում ոչ հմուտ գնորդին? Ամեն դեպքում, անկասկած, վերը նշված երկու սարքն էլ ֆունկիցիոնալ պաշարով գերազանցում են Apple-ի iPhone-ները: Ու նույնիսկ չնայած նրան, որ Nokia-ի հեռախոսները ավելի հասանելի են, կապված չլինելով բջջային օպերատորներին, ավելի դեմոկրատական ծրագրային միջուկով են արտադրվում (բավական է նշել միայն Flash-ի լիարժեք ապահովումը), միևնույն է Apple-ի հեռախոսները կծած խնձորի լոգոտիպի առկայության պատճառով ավելի շատ են վաճառվում… Մի տեսակ անարդար է, չեք գտնում? Առաջարկում եմ դիտել demo տեսահոլովակը և այցելել սարքի պաշտոնական կայքը:

P.S. Եվրոպայում սարքը կթողարկվի այս տարվա երրորդ քառորդին և կարժենա ընդհամենը 370 եվրո (~$490) չներառած ԱԱՀ-ն:

1 մեկնաբանություն

Filed under IT Նորություններ