Tag Archives: ինչպես

Փորձարկում ենք Google+ ծառայությունների փաթեթը

Վերջապես այսօր ստացա Google+ ծառայությունների փաթեթի հրավեր: Բլոգում մի քանի օր առաջ դրա մասին գրել ենք: Եթե չեք կարդազել գրառումը, ասեմ, որ այն սոցիալական ցանց է, որը կապում է Google-ի հին ծառայությունները (GMail, Picasa, Chat և այլն) և առաջարկում է նորերը (դրանց մասին դեռ կխոսենք):

Առաջին անգամ Google+ի գլխավոր էջը տեսնելուց միանգամից մտածում ես, որ այն facebook-ի կլոնն է (կամ, չլինի facebook-ի ձևավորումը փոխել են…):
Capture
«Ընկերներին» կարելի է խմբավորել Circles (շրջանակներ) կոչվող օբյեկտներում: Հետագայում խմբային չատ, խմբային վիդեոչատ (սրա անունն էստեղ hangouts է) կազմակերպվում է հենց նույն շրջանակներում:
image 
Facebook-ի «պատին» այստեղ փոխարինում են stream-ները (հոսք), ընդ որում ամեն շրջանակ ունի իր առանձին հոսքը: Նոր նկարներ, վիդեոներ, պատմություններ, հղումներ ավելացնելիս կարելի է նշել այն հոսքերը, որոնք կարող են տեսնել նորությունները: Սա բավականին հարմար է (օրինակ, երբ չես ուզում, որ աշխատանքի վայրում տեսնեն վերջին ընկերական խնջույքի նկարները (նույն բանը կարելի է անել նաև facebook-ում, բայց հրապարակման կարգավորումները այնտեղ գործում են անհատներին նշելու/հեռացնելու սկզբունքով)): ստանալ Հոսքերի գրառումների տակ մեկնաբանություններ թողնելու մեխանիզմը գրեթե նույնն է, ինչ facebook-ում:
Շատ ուրախացրեց Photos-ը: Նախ և առաջ, գրանցվելիս Google+ը թույլ է տալիս կապել G+ Photos-ը Picasa-ի հետ: Այսպիսով Picasa-յում տեղադրված բոլոր նկարները (իրենց հրապարակելու կարգավորումներով) հասանելի են G+ Photos-ում և հակառակը: Նկարները դիտելու ու կառավարելու գործընթացը շատ հարմարավետ է:
image 
Facebook-ի Page-երին այստեղ փոխարինում են ավելի պարզեցված Sparks-ը: Սա պարզապես ձեր նախընտրած թեմայով տարբեր կայքերից պարբերաբար հոդվածներ է հավաքում և ներկայացնում է մեկ հոսքի ներքո, թույլ տալով ցանկության դեպքում կիսել (share) դուր եկած հոդվածը ընտրյալ շրջանակների հետ:
image
Եվ վերջապես աուդիո/վիդեո չաթերի մասին: Հաճելի է նկատել, որ աուդիո «զանգ» կարելի է անել ընկերներին անմիջապես չաթի պատուհանից (որը գրեթե ոչնչով չի տարբերվում facebook-ի չաթի պատուհանից): Առավել ուրախացնում է խմբակային վիդեո չաթը: Այն աշխատացնելու համար Google+ը պահանջում է տեղադրել Google Audio/Video plugin անունը կրող հավելում: Խմբակային վիդեո չաթը աշխատում է, ինչպես և խոստացված էր: Hangout-ին մասնակցել կարող են առավելագույնը 10 մարդ: Կենտրոնական մեծ պատուհանում երևում է այն մասնակցի [ուղիղ եթերով] պատկերը, ում ձայնը տվյալ պահին ամենաբարձրն է:

Ընդհանուր առմամբ, Google+ը ամենևին չի հեղաշրջում սոցիալական կայքերի ոլորտը, և միայն ժամանակը ցույց կտա, թե կդառնա այն արդյոք այնքան տարածված, որքան facebook-ն ու twitter-ն են: Մյուս կողմից, շատ քիչ ծառայություններ կարող են պարծենալ խմբակային վիդեո չաթ առաջարկելու (անվճար!) հնարավորությամբ: Այնպես որ, փորձել արժե, բայց, մեկը ես ամբողջովին «տեղափոխվել» Google+ դեռևս չեմ պատրաստվում:

P.S. Facebook-ը չի պատրաստվում ձեռքերը ծալած կանգնել և շուտով այն կգործարկի սեփական վիդեո չաթի ծառայությունը (ավելի ստույգ, Skype-ի վիդեոզանգերը կինտեգրվեն Facebook-ում): Դեռևս խոսքը գնում է միայն 1-1 վիդեոզանգերի մասին (Skype-ում խմբակային վիդեոզանգերը վճարովի են):

1 մեկնաբանություն

Filed under IT Հետազոտություն

Ինչպես ընտրել թվային ֆոտոխցիկ

Ինչպիսի ֆոտոխցիկ ընտրել: Կարծում եմ, այս հարցը հոզում է բոլորին, ովքեր ուզում են գնել ֆոտոխցիկ, անկախ նրանից, թե ինչ նպատակով է օգտագործվելու սարքը՝ սիրողական ընտանեկան լուսանկարներ նկարելու թե պրոֆեսիոնալ աշխատանքներ նկարելու: Այսօրվա շուկան գերհագեցած է տարբեր սեգմենտների համար նախատեսված բոլոր տեսակի լուծումներով: Փորձենք կողմնորոշվել…

Ինչից է բաղկացած ֆոտոխցիկը

Երկու կարևորագույն բաղկացուցիչները, որոնք ուղղակիորեն ազդում են նկարի որակի վրա, դրանք օբյեկտիվն (օպտիկա) ու մատրիցան են:
Փոխվող օբյեկտիվով ֆոտոխցիկ
Պրոֆեսիոնալ ֆոտոյով զբաղվող մարդկանց համար ստեղծված են փոխվող օպտիկայով մոդելներ: Նկարիչը հնարավորություն ունի ֆոտոխցիկին կցել տարբեր օպտիկական հատկություններ դրսևորող օպտիկաներ, այսպիսով ստանալով նկարի օպտիմալ որակ նկարահանման բոլոր պայմաններում: Բայց որակյալ օպտիկան բավականին թանկ է, երբեմն օպտիկական լինզաների հավաքածուն կարող է ավելի թանկ նստել, քան հենց ինքը՝ ֆոտոխցիկը: Սիրողական մոդելներում նման հնարավորություն չկա, օբյեկտիվը չի փոխարինվում՝ ստատիկ է:
 Ֆոտոխցիկի մատրիցան
Մյուս կարևոր դետալը մատրիցան է: Ինչքան մեծ են դրա առանձին լույսազգայուն տարրերի ֆիզիկական չափերը, այդքան ճշգրիտ է ստացվում գույնը լուսանկարում: Բանն այն է, որ այսօր առաջարկվող թվային խցիկներում պիքսելների քանակը տատանվում է 10 – 12 միլիոնի մեջ, սակայն մատրիցայի ֆիզիկական չափերը լիովին տարբեր կարող են լինել: Այսպիսով, միևնույն պարամետրերի դեպքում ավելի լավ է նկարում այն ֆոտոխցիկը, որի մատրիցան մեծ է:

Ֆոտոխցիկների տեսակները

Այսօր հիմնականում առանձնացվում են երկու տեսակի ֆոտոխցիկներ՝ հայելային և կոմպակտ:
Հայելային ֆոտոխցիկ Canon EOS 450D

 

 

 

 

 

 

 

Հայելային ֆոտոխցիկները իրենց անունը ստացել են այն պատճառով, որ նրանցում լույսի ճառագայթը անցնելով օբյեկտիվով, հայելու կողմից արտացոլվում է մատրիցայի վրա: Ֆոտոխցիկի այսպիսի կառուցվածքը թույլ է տալիս բավականին մեծ մատրիցա տեղադրել նրանում և հնարավորություն տալ օգտվողին փոխել օպտիկան: Հաճախ, ասելով պրոֆեսիոնալ ֆոտոխցիկներ, ի նկատի ունեն հենց հայելային մոդելները: Այսպիսի խցիկները հայտնվել են 20-րդ դարի առաջին կեսին: Թվային մոդուլյատորով մոդելները հայտնվել են վերջերս:

Կոմպակտ ֆոտոխցիկներ Pentax Optio WS80
Ի տարբերություն հայելիային խցիկների, կոմպակտ մոդելներում օգտագործվում են փոքր մատրիցաներ, ինչի արդյունքում մի քանի անգամ էժան է նստում այսպիսի ֆոտոխցիկների արտադրությունը (եթե նաև հաշվի առնենք էժանագին օպտիկան, որը սովորաբար օգտագործվում է այսպիսի մոդելներում), բայց և զգալիորեն տուժում է լուսանկարի որակը: Մի խոսքով, այսպիսի մոդելները նախատեսված են ոչ հմուտ կամ սիրողական լուսանկարչությամբ զբաղվող մարդկանց համար:

Ստաբիլիզացիան

Արժե ֆոտոխցիկ գնելուց, պարզել, այն ունի նկարի ստաբիլիզատոր, թե ոչ: Ստաբիլիզացիան թույլ է տալիս զգալիորեն նվազեցնել շարժման ժամանակ նկարահանված լուսանկարներում պատկերի «լղոզվածությունը»: Այսօր տարածված են ապարատային ստաբիլիզացիայի երկու տարբերակ: Առաջին դեպքում ֆոտոխցիկի փոքր տեղաշարժների ժամանակ (օրինակ երբ դողում է լուսանկարիչի ձեռքը) տեղաշարժվում է օպտիկայի լինզաներից մեկը, սրանով ապահովելով լույսի փնջի շեղման բացակայությունը, երբ այն մտնում է օբյեկտիվ:
Լինզայի տեղաշարժով ստաբիլիզացվող ֆոտոխցիկ

Երկրորդ դեպքում տեղաշարժվում է ոչ թե լինզան, այլ մատրիցան, ինչի արդյունքում ստացվում է համանման էֆեկտ:
Մատրիցայի տեղաշարժով ստաբիլիզացվող ֆոտոխցիկ

Կան նաև ստաբիլիզացիայի ծրագրային ալգորիթմներ, բայց փորձը ցույց է տալիս, որ գործնականում դրանք այնքան էլ էֆեկտիվ չեն:

Zoom-ը

Շատերը ֆոտոխցիկներում մեծ կարևորություն են տալիս պատկերը «մոտեցնելու» հնարավորությանը: Օպտիկական զումը դա օպտիկայի լինզաների մինիմալ և մաքսիմալ հեռավորությունների հարաբերությունն է: Լինզաների տեղաշարժման արդյունքում հնարավոր է դառնում կառավարել մատրիցային դիպչող լույսի փնջի «հաստությունը», ինչի շնորհիվ ստեղծվում է պատկերը մոտեցնելու էֆեկտ: Թվային զումը աշխատում է լիովին այլ կերպ, այն պարզապես հեռացնում է նկարից եզրային մասերը, ինչը բերում է նկարի որակի անխուսափելի կորստի:

Եզրակացություն

Բոլոր վերը թվարկված տեխնիկական պարամետրերը կարելի է գտնել ֆոտոխցիկի տեխնիկական գրքում: Կոմպակտ մոդելներ գնելուց մի խաբնվեք մեգապիքսելների շռայլությանը! Պահանջեք տեխ. գիրքը և իմացեք մատրիցայի ֆիզիկական չափսերը: Ուշադրություն դարձրեք նաև, թե ինչպիսի լուցկի (вспышка, flash) է օգտագործվում խցիկում: Այսօր տարածված են հալոգենային լուցկիները: Հայելային մոդելներ գնելուց անպայման պահանջեք տեխնիկական գիրքը և մանրամասն ուսումնասիրեք բոլոր տվյալները՝ ստաբիլիզացիայի տեսակը, խցիկի հետ համատեղելի օբյեկտիվների տեսակները, մատրիցայի չափսերը և այլն: Եթե երկմտում եք մի քանի մոդելների միջև, խորհուրդ է տրվում ինտերնետից նայել դրանց տեստավորման արդյունքները: Այդպիսի տեստեր առաջարկող կայքերից է http://thg.ru-ն: Հաջողությու՛ն!

Թողնել մեկնաբանություն

Filed under IT Հետազոտություն

7 օգտակար հավելում Google Chrome-ի համար

Google Chrome-ը, լինելով ամենաարագ ու հանրահայտ ինտերնետային browser-ներից մեկը, չորրորդ տարբերակից ի վեր հարստացավ մի շատ կարևոր հատկությամբ – այժմ ծրագրին կարելի է կցել բազմազան հավելումներ: Ներկայացնում եմ իմ կարծիքով ամենաօգտակար յոթ հավելումները:

google-chrome-logo
AdBlock v2.0.23
Չափազանց կարևոր հավելում է: Վեբ էջերից հեռացնում է գովազդները: Այսպիսով խնայում է էջերի բեռնման ժամանակը, և, ինչու չէ, նաև ձեր տրաֆիկը: Շատ ճկուն կարգավորվող հավելում է: Գովազդների հեռացումը կատարվում է ինչպես նախապես պատրաստված ֆիլտրների միջոցով (կա նաև ֆիլտր ռուսալեզու կայքերի համար), այնպես էլ օգտվողի կողմից կազմած ֆիլտրի միջոցով: Վերջին 2.0.23 տարբերակը հեռացնում է նույնիսկ YouTube վիդեո պորտալում տեսահոլովակների մեջ հայտնվող գովազդները:

YouTube Downloader v1.6.5
Դե, բացատրություններն ավելորդ են: Անունից հասկացվում է, թե ինչ է անում այս հավելումը: Շատ լավ աշխատում է YouTube-ի վերջերս թարմացրած հետ: Թույլ է տալիս ընտրել բեռնելիք վիդեո ֆայլի ֆորմատը (flv կոնտեյներ կամ mp4) և կետականությունը (resolution):

Zemanta v0.5.1
Այս հավելումը կհետաքրքրի բլոգերներին և նրանց, ովքեր շատ են օգտվում էլ. փոստից: Սրանով էլ. փոստերի և բլոգինգի տարածված հարթակների (wordpress.com, blogger, typepad) օնլայն խմբագրիչները հարստացվում են նոր, ճկուն գործիքներով: Zemanta-ն կարող է նաև կոնտեքստից կախված նկարներ, վիդեոներ ու նորություններ որոնել: Մի խոսքով, արժե փորձել:

Jango v1.0
Jango.com-ը անվճար ինտերնետային ռադիո ծառայություն է: Կարգավորվում է ձեր երաժշտական նախասիրություններին համապատասխան և ցանկացած պահի նվագում է ձեր նախընտրած երաժշտությունը: Jango հավելումը Chrome-ի համար թույլ է տալիս միշտ browser-Ի մի անկյունում ունենալ Jango-ի ռադիո player-ը:

WebPage Screenshot v4.5.4.2 
Այս մեկը թույլ է տալիս ձեզ արագ ու հեշտ «լուսանկարել» ինչպես ամբողջ վեբ էջեր, այնպես էլ վեբ էջերի հատվածներ և պահել նկարները png կամ jpg ֆորմատներով:

Shareaholic for Chrome v3.2
Կիսվեք հետաքրքիր էջերով ընկերների հետ Facebook, Twitter ցանցերով, ինչպես նաև էլէկտրոնային փոստով: Ունի էջին կարճ հղումներ գեներացնելու հնարավորություն (սա հատկապես կհետաքրքրի Twitter-ից օգտվողներին):

Forecastfox Weather 1.5.12
Հավելումը մեկ սեղմումով բերում է օգտվողի կողմից տրված քաղաքների առաջիկա 7 օրվա մանրամասն եղանակի տեսությունը: Աշխատում է accuweather.com ծառայության հիման վրա: Հայաստանի քաղաքները ևս հասանելի են:

1 մեկնաբանություն

Filed under IT Հետազոտություն

Windows 7-ով USB Flash Boot մեր ձեռքերով

Առանց երկմտելու, Windows 7-ը կարելի է անվանել Microsoft-ի համեմատաբար ամենակատարյալ, ապահով ու արագագործ օպերացիոն համակարգը: Հատկապես համակարգի օգտագործման առաջին իսկ րոպեներից աչքի է զարնում նրա արագագործությունը, նամանավանդ եթե նախքան Յոթին անցնելը օգտագործողը նստած էր Vista-ի առաջ: Նոր համակարգը իրեն լավ է զգում ոչ միայն ռեսուրսներով հարուստ համակարգչում, այլ բավականին խորամանկ կերպով հարմարվում է նույնիսկ նեթբուքների վրա: Բայց արի ու տես, որոշ նեթբուքներում DVD սկավառակներ կարդացող սարքեր տեղադրված չեն: Համակարգը տեղադրելու միակ ճանապարհը USB Flash սարքից տեղադրելն է: Այս հոդվաղում կպատմեմ, թե ինչպես ստանդարտ ծրագրերից օգտվելով ձեր flash-ը վերածել boot սարքի: Միանգամից ասեմ, որ պաշտոնական 7-ի տարածոն (distributive) «կշռում է» 2gb-ից ավել, այնպես որ պետք է վերցնել մինիմում 4gb հիշողության ծավալով flash սարք: Նախօրոք պահեք ձեր սարքի մեջ եղած ամբողջ ինֆորմացիան կոշտ սկավառակի վրա, որովհետև մենք այժմ այն ֆորմատավորելու ենք:Անցնենք բուն գործին: Մեզ պետք կգա ստանդարտ diskpart ծրագիրը:Միացրեք Command Prompt-ը (Start->Run->գրեք cmd->սեղմեք OK)Տեղափոխվեք

C:\Windows\System32 պանակի մեջ
C:\Users\JZakaryan>cd C:\Windows\System32C:\Windows\System32>

Միացրեք diskpart-ը

C:\Windows\System32>diskpart
Microsoft DiskPart version 6.1.7600Copyright (C) 1999-2008 Microsoft Corporation.On computer: DEFAULTPC
DISKPART>

Մուտքագրեք list disk հրամանը, որպեսզի տեսնեք համակարգչին միացրած հիշողության սարքերի ցանկը
DISKPART> list disk
Disk ###  Status         Size     Free     Dyn  Gpt

———  ————-  ——-  ——-  —  —

Disk 0    Online         232 GB  1024 KB

Disk 1    No Media          0 B         0 B

Disk 2    Online       3794 MB        0 B

Սկավառակների Size-երին նայելով, դժվար չէ գլխի ընկնել, թե որն է flash-ը: Հիշեք նրա համարը և մուտքագրեք հետևյալ հրամանը (օրինակը բերված է իմ flash սարքի համար):

DISKPART> select disk 2

Disk 2 is now selected.

Սրանով ընտրեցինք սարքը: Ուշադրություն, ևս մեկ անգամ համոզվեք, որ ճիշտ սարքն եք ընտրել (հետո չգաք ասեք C դիսկս ֆորմատ արի :)) Մուտքագրեք հետևյալ հրամանները.
DISKPART> clean

Diskpart succeeded in cleaning the disk.

DISKPART> create partition primary

Diskpart succeeded in creating the specified partition.

DISKPART> select partition 2

Partition 1 is now the selected partition.

DISKPART> active

Diskpart marked the current partition as active.
DISKPART> format fs=ntfs

100 percent completed.

Diskpart successfully formatted the volume.
DISKPART> assign

Diskpart successfully assigned the drive letter or mount point.
DISKPART> exit
Այժմ տեղափոխեք 7-ի տարածո սկավառակի/վիրտուլ սկավառակի պարունակությունը սարքի վրա: Մնում է միայն սարքի վրա գրել բեռնիչը (boot loader): Դրա համար նորից միացրեք command prompt-ը, մտեք սարքի պանակի մեջ (իմ մոտ այն H:\ է) և մուտքագրեք հետևյալ հրամանները.

H:\>cd boot

H:\boot> bootsect.exe/nt60

H:Target volumes will be updated with BOOTMGR compatible bootcode.
H: (\\?\Volume{ec542ab1 — a8bb — 11de 5112 6e156ff6e912))Updated NTFS filesystem bootcode.

The update may be unreliable since the volume could not be locked during theupdate.

Access is denied.

Bootcode was successfully updated on all targeted volumes.

Վերջ, այսքանը: Հա ու նախքան 7-ը տեղադրելը համոզվեք, որ այդ համակարգչի BIOS մենյուում First/Primary Boot Device-ը նշված է Flash սկավառակի պորտը: Հաջողություն!

Մեկնաբանություններ (2)

Filed under IT Հետազոտություն