Tag Archives: բեռնել

Թողարկվել է Windows 8 Consumer Preview-ն


Փետրվարի 29-ին թողարկվել է Windows 8 Consumer Preview-ն: Այժմ յուրաքանչյուր ցանկացող կարող է բեռնել, տեղադրել և փորձարկել այդքան աղմուկ հանած ՕՀ-ի փորձնական տարբերակը: Microsoft-ը զգուշացնում է, որ այն զերծ չէ թերություններից ու, հնարավոր է, լիարժեք չաշխատի: Մեր մեջ ասած, շատերն էին անցել Windows 8-ի դեռևս Developer Preview-ի թողարկման պահից: Տարբեր ֆորումներում զետեղված գրառումները փաստում են այդ մասին:

Advertisements

Թողնել մեկնաբանություն

by | Մարտի 1, 2012 · 6:33 ե.

Պրոցեդուրային գեներացում: Մաս 1

1.1 Ներածություն
Այս խորագրի ներքո այսուհետ կներկայացվեն հոդվածներ ժամանակակից ծրագրավորման առջև դրված հետաքրքիր խնդիրների դասի՝ պրոցեդուրային գեներացման (procedural generation) վերաբերյալ: Պրոցեդուրային գեներացումը նվիրված է հաշվիչ մեքենաների միջոցով պսեվդո-պատահական պատկերների ստացմանը և մեծ կիրառություն ունի համակարգչային գրաֆիկայում և խաղերի դիզայնում: Հոդվածները հաճախ կուղեկցվեն ծրագրային կոդի հատվածներով, հարկ եղած դեպքում կոդը կուղեկցվի հարակից բացատրություններով: Օրինակները աշխատացնելու համար պահանջվող գրադարանների և կոմպոնենտների մասին կնշվի առանձին, ամեն օրինակի հետ:
Պրոցեդուրային գեներացումը անհնար կլիներ առանց պսեվդո-պատահական թվերի ստացման մեթոդների: Մենք չենք սևեռի մեր ուշադրությունը այս ոլորտի վրա, փոխարենը կօգտագործենք պսեվդո-պատահական թվեր գեներացնող .Net Framework-ի գրադարանի System.Random դասը:

1.2 Ռեալիստիկ լանդշաֆտի ստացում, միջնակետի տեղաշարժման ալգորիթմ

Դիտարկենք հետևյալ խնդիրը: Պահանջվում է գեներացնել և պատկերել իրական [Երկիր մոլորակի] լանդշաֆտի ուրվագծին նման ուրվագիծ: Պարզության համար կդիտարկենք ոչ թե եռաչափ լանդշաֆտի գեներացումը, այլ երկչափինը: Կարելի է վերաբերվել դրան որպես եռաչափ լանդշաֆտի ուղղահայաց հատույթի: Նայեք նկարին, որպեսզի պարզ լինի, ինչի մասին է խոսքը:
image

Նման պատկեր կարելի է տեսնել օրինակ երեկոյան հեռվից սարերի/բլուրների խմբին նայելիս: Նման խնդրի լուծման զանազան ալգորիթմներ կան, առավել պարզը դրանցից (ընդ որում, պարզ != վատ) միջնակետի տեղաշարժման ալգորիթմն է:

1. Սկզբում ունենք մի հորիզոնական հատված

midpoint02. Հատվածի ամեն սեգմենտը միջնակետում բաժանում ենք 2 մասի, միջնակետը [-range, range] միջակայքում ընկած պատահական չափով տեղաշարժում ենք վերև կամ ներքև
midpoint3. range թիվը բազմապատկում ենք roughness-ով (խորդուբորդության գործակից): Այն 0.0 – 1.0 միջակայքի ինչ-որ թիվ է: Որքան փոքր է այն, այնքան հղկված ու «փափուկ» է ստացվում ուրվագիծը:
4. Կրկնում ենք 2 և 3 քայլերը պահանջված անգամ: Դժվար չէ նկատել, որ ամեն անգամ 2-րդ քայլն անելուց հետո հատվածների քանակը կրկնապատկվում է:

Դիտողություն: Ռեալիստիկ պատկեր ստանալու համար կարելի է ալգորիթմն աշխատացնել սեգմենտների բավականին մեծ քանակ պահանջելով: Կարելի է նաև ստանալ համեմատաբար քիչ թվով կետեր (սեգմենտների փոքր թիվ տալ մուտքում) և դրանք ինտերպոլացնել գծայնորեն:

Դիտողություն 2: Շատերի մոտ կարող է այս ալգորիթմը ռեկուրսիվ իրականացնելու «ախորժակ» առաջանա: Մի շտապեք, իտերատիվ տարբերակը ճիշտ իրականացնելիս ավելի էֆեկտիվ է:

Այս, առաջին հայացքից պարզ հրամանները կարող են տալ շատ հզոր արդյունք: Իրականում այս ալգորիթմը ծնունդ է առել ծրագրավորման բոլորովին այլ՝ պատկերների ֆրակտալ կոմպրեսիայի ոլորտում կատարված հետազոտությունների արդյունքում: Սա ուղղված է պատկերները պահելու համար պիքսելների մասին ինֆորմացիա պահելու փոխարեն այլ տվյալներ պահելուն, պատկերի զբաղեցրած հիշողության ծավալը փոքրացնելու նպատակով:

Ստորև բերվում է C#-ով գրված ֆունկցիա, որն իրականացնում է ալգորիթմը:

private List<Point> GeneratePoints(int S, float roughness, int range)
{
List<Point> pts = new List<Point>();
pts.Insert(0, new Point(800, 200));
pts.Insert(0, new Point(0, 200));
int segments = 1;
Random rand = new Random();

            while (segments < S)
{
for (int i = 0; i < segments; i++)
pts.Insert(1 + 2 * i, new Point((pts[2*i].X + pts[2*i + 1].X) / 2, (pts[2*i].Y + pts[2*i + 1].Y) / 2 + rand.Next(-range, range)));

                segments *= 2;
range = (int)((float)range * roughness);
}

return pts;
}

Կարող եք բեռնել և փորձարկել նաև Midpoint Displacement ծրագիրը: Այն թույլ է տալիս աշխատանքի ընթացքում կարգավորել սեգմենտնետի քանակը, հեռահարությունն ու խորդուբորդության գործակիցը: Այն աշխատացնելու համար անհրաժեշտ է ունենալ .Net Framework Redistributable 4.0-ն:

midpoint

Եթե ցանկանում եք ստանալ այս ծրագրի կոդը, գրեք մեկնաբանություններում կամ էլեկտրոնային փոստով:
Հաջորդ անգամ (հաջորդ սերիայում Open-mouthed smile) կդիտարկենք նույն խնդիրը լուծող մեկ այլ մեթոդ՝ Pimsleur (չգիտեմ հայերեն էս ոնց են արտասանում…) Noise ֆունկցիայի վրա հիմնված: Կդիտարկենք նաև տարածված ծրագրերում և խաղերում այս մեթոդների կիրառությունների օրինակներ:

Թողնել մեկնաբանություն

Filed under Ծրագրավորում

Շաբաթվա կայքը — Jamendo

Jamendo-ն թույլ է տալիս անվճար ու լիովին օրինական եղանակով լսել և բեռնել երաժշտություն: Այստեղ տեղադրված ամբողջ երաժշտությունը տարածվում է Creative Commons լիցենզիայով, ինչը թույլ է տալիս անվճար, ոչ կոմերցիոն օգտագործման համար տրամադրել այն անհատներին, ընդ որում կարելի է բեռնել ինչպես առանձին ստեղծագործություններ, այնպես էլ ամբողջական ալբոմներ: Ներկա պահին կայքից հասանելի է 40488 ալբոմ:

Jamendo

Այցելել կայքը

Թողնել մեկնաբանություն

Filed under Շաբաթվա կայքը

UI-ի ներկան ու ապագան

Ինտերֆեյսը երկու մարդու/սարքի միջև ինֆորմացիա փոխանցելու միջոցն է: Կարելի է ասել, որ մարդկանց մոտ հիմնական ինտերֆեյսի դերը խաղում է լեզուն: Երբ խոսքը գնում է մեքենայից-մարդ և մարդուց-մեքենա ինֆորմացիայի փոխանակման մասին, այդպիսի ինտերֆեյս անվանում են UI (User Interface): Առանց հստակ ստանդարտացված UI-ի մարդու և սարքի համագործակցությունը չափազանց բարդ (եթե ոչ անհնարին) կլիներ:
lemur6
UI-ի ոլորտում հետազոտությունների արդյունքում այսօր լայնորեն սկսել են կիրառել սենսորային դիսպլեյները: Նրանք ամենուրեք են՝ բջջային հեռախոսներում, տեղափոխելի համակարգիչներում, վճարումներ կատարելու տերմինալներում, բանկոմատներում: Սրա առավելությունը ավանդական Point and Click ինտերֆեյսների նկատմամբ այն է, որ շփումը մարդու և մեքենայի միջև ռեալիզացվում է առանց որևէ սարքերի՝ թող դա լինի համակարգչի մկնիկը, կամ հեռախոսի կոճակները, կիրառման: «Սարքի» դեր այս դեպքում խաղում են User-ի մատները: Մի քանի տարի առաջ սենսորային ինտերֆեյսների ոլորտում հետազոտությունները բերեցին առաջին հայացքից ոչ այնքան հեղաշրջող տեխնոլոգիային՝ Multi touch դիսպլեյներին: Սրա միակ տարբերությունը նախորդից այն է, որ սարքը կարող է հասկանալ միանգամից մի քանի մատի հպումը դիսպլեյին: Սովորաբար Multi Touch ասելով այսօր հիշում ենք iPhone-ը, բայց տեխնոլոգիան ունի չափազանց ավելի շատ ու բազմազան կիրառություններ, քան միայն Ջոբսի լեգենդար սարքում օգտագործումն է:

Գիտությունն ու տեխնոլոգիաները լույսի արագությամբ զարգանում են: Եթե 5 տարի առաջ այս սեմինարի ժամանակ մարդիկ զարմացած ծափահարում էին, տեխնոլոգիան այսօր արդեն կարելի է տեսնել մարդկանց գրպաններում:
Այսօր սենսորային տեխնոլոգիան տեղափոխում են երրորդ առանց՝ տարածություն:

Եվ ինչքան էլ ֆանտաստիկ թվա, սա ևս արդեն գտել է իր կիրառությունները: Հիշենք հենց նույն Microsoft Kinect-ը, որի մասին արդեն խոսվել է բլոգում, կամ Kinect-ի` Sony-ի կողմից առաջարկված տարբերակ PlayStation Move-ը:
Եթե այսօր սա արդեն կա, ինչ կլինի վաղը? Մի քանի ամիս հետո, մեկ տարի հետո, տաս տարի հետո… Միգուցե առաջիկա տասնամյակում User Interface-ը Brain-Computer (Ուղեղ – Համակարգիչ) ինտերֆեյսով փոխարինվի? Տեսնենք…

Բեռնել առաջին հոլովակի որակյալ տարբերակը (121Mb)
Բեռնել երկրորդ հոլովակի որակյալ տարբերակը (313Mb)

Թողնել մեկնաբանություն

Filed under IT Հետազոտություն, IT Նորություններ

7 օգտակար հավելում Google Chrome-ի համար

Google Chrome-ը, լինելով ամենաարագ ու հանրահայտ ինտերնետային browser-ներից մեկը, չորրորդ տարբերակից ի վեր հարստացավ մի շատ կարևոր հատկությամբ – այժմ ծրագրին կարելի է կցել բազմազան հավելումներ: Ներկայացնում եմ իմ կարծիքով ամենաօգտակար յոթ հավելումները:

google-chrome-logo
AdBlock v2.0.23
Չափազանց կարևոր հավելում է: Վեբ էջերից հեռացնում է գովազդները: Այսպիսով խնայում է էջերի բեռնման ժամանակը, և, ինչու չէ, նաև ձեր տրաֆիկը: Շատ ճկուն կարգավորվող հավելում է: Գովազդների հեռացումը կատարվում է ինչպես նախապես պատրաստված ֆիլտրների միջոցով (կա նաև ֆիլտր ռուսալեզու կայքերի համար), այնպես էլ օգտվողի կողմից կազմած ֆիլտրի միջոցով: Վերջին 2.0.23 տարբերակը հեռացնում է նույնիսկ YouTube վիդեո պորտալում տեսահոլովակների մեջ հայտնվող գովազդները:

YouTube Downloader v1.6.5
Դե, բացատրություններն ավելորդ են: Անունից հասկացվում է, թե ինչ է անում այս հավելումը: Շատ լավ աշխատում է YouTube-ի վերջերս թարմացրած հետ: Թույլ է տալիս ընտրել բեռնելիք վիդեո ֆայլի ֆորմատը (flv կոնտեյներ կամ mp4) և կետականությունը (resolution):

Zemanta v0.5.1
Այս հավելումը կհետաքրքրի բլոգերներին և նրանց, ովքեր շատ են օգտվում էլ. փոստից: Սրանով էլ. փոստերի և բլոգինգի տարածված հարթակների (wordpress.com, blogger, typepad) օնլայն խմբագրիչները հարստացվում են նոր, ճկուն գործիքներով: Zemanta-ն կարող է նաև կոնտեքստից կախված նկարներ, վիդեոներ ու նորություններ որոնել: Մի խոսքով, արժե փորձել:

Jango v1.0
Jango.com-ը անվճար ինտերնետային ռադիո ծառայություն է: Կարգավորվում է ձեր երաժշտական նախասիրություններին համապատասխան և ցանկացած պահի նվագում է ձեր նախընտրած երաժշտությունը: Jango հավելումը Chrome-ի համար թույլ է տալիս միշտ browser-Ի մի անկյունում ունենալ Jango-ի ռադիո player-ը:

WebPage Screenshot v4.5.4.2 
Այս մեկը թույլ է տալիս ձեզ արագ ու հեշտ «լուսանկարել» ինչպես ամբողջ վեբ էջեր, այնպես էլ վեբ էջերի հատվածներ և պահել նկարները png կամ jpg ֆորմատներով:

Shareaholic for Chrome v3.2
Կիսվեք հետաքրքիր էջերով ընկերների հետ Facebook, Twitter ցանցերով, ինչպես նաև էլէկտրոնային փոստով: Ունի էջին կարճ հղումներ գեներացնելու հնարավորություն (սա հատկապես կհետաքրքրի Twitter-ից օգտվողներին):

Forecastfox Weather 1.5.12
Հավելումը մեկ սեղմումով բերում է օգտվողի կողմից տրված քաղաքների առաջիկա 7 օրվա մանրամասն եղանակի տեսությունը: Աշխատում է accuweather.com ծառայության հիման վրա: Հայաստանի քաղաքները ևս հասանելի են:

1 մեկնաբանություն

Filed under IT Հետազոտություն

MUSE

31311_395231573724_8762738724_4187080_7702764_n
Անգլիական ծագմամբ Muse ռոք խմբի անդամները արդեն 10 տարի է, ինչ ուրախացնում են երկրպագուներին իրենց աչքի ընկնող, անսովոր երգարվեստով: Նախքան այդ , սկսած 1994թ., խմբի անդամները՝ գլխավոր կիթառահար/վոկալիստ Մեթյու Բելամին, բաս կիթառահար/բեք-վոկալիստ Քրիս Վոլստենհոլմը և հարվածային գործիքների/ստեղնաշարի երաժիշտ Դոմինիկ Հովարդը (Վոլստենհոլմը միացավ խմբին մի փոքր ուշ) հանդես էին գալիս տարբեր անունների ներքո, այդ թվում Gothic Plague, Rocket Baby Dolls և այլն…
Muse_by_Bobbie_Gurl
Դեբյուտային ձայնասկավառակը՝ Showbiz վերնագրով, նրանք թողարկել են Մեծ Բրիտանիայում 2000թ.: Հայրենիքում սկավառակը, չնայած մեկնաբանների մեղադրանքներին, թե Muse-ի երգարվեստը նույնօրինակում է արդեն իսկ այն ժամանակ հանրահայտ Radiohead-ի գործերը, արագ կերպով բարձրացավ վաճառքների չարթերի առաջին հորիզոնականը:
2001թ. Մադոննային պատկանող Maverick Records ձայնագրման ստուդիան չհամաձայնվեց թողարկել խմբի երկրորդ սկավառակը՝ Origin of Symmetry-ն ԱՄՆ-ում, պատճառաբանելով, թե Բելամիի ձայնը ռադիոեթերի հետ համատեղելի (radio-friendly) չէ: Maverick-ը առաջարկեց խմբին նորից ձայնագրել վոկալ մասը: Խումբը կտրականապես մերժեց առաջարկը և թողարկեց սկավառակը Միացյալ Նահանգներում 5 տարի անց միայն՝ Warner Bros պիտակի տակ: Բրիտանիայում այն շլացուցիչ հաջողություն ունեցավ, իսկ Plug in Baby, Bliss, New Born երգերը իսկական ռադիո հիթեր դարձան:
Խմբի հաջորդ սկավառակը՝ Absolution-ը (2003) ևս Մեծ Բրիտանիայում առաջին հորիզանականում հայտնվեց, իսկ Time is Running Out, Hysteria, Butterflies and Hurricanes, Sing For Absolution երգերը բոլորը միանգամից հայտնվեցին top 20-ում:

2006-ին թողարկած Black Holes and Revelations ալբոմը առաջատարի դիրքը ստանձնեց նաև Ավստրալիայում և Եվրոպայի մեծ մասում: Դրա թողարկումից հետո խումբը կատարեց իր ամենահայտնի HAARP համերգային շրջագայությունը, ինչից հետո միանգամից մի քանի երաժշտական պարբերականներ Muse-ին շնորհեցին «Լավագույն կենդանի կատարմամբ խումբ» տիտղոսը:

5-րդ ստուդիո ձայնասկավառակը՝ The Resistance-ը խումբը թողարկեց 2009-ի Սեպտեմբերին: Սկավառակում տեղ է գտել 3 մասից բաղկացած The Exogenesys Symphony գեղեցիկ սիմֆոնիան: Այժմ խումբը գտնվում է Resistance Tour շրջագայությունում: Ս.թ. հունիսին Գլաստոնբերի ֆեստիվալում խումբը U2-ի կիթառահար The Edge-ի հետ կատարեց Where the Streets Have No Name երգը (U2-ի Bono-ն չկարողացավ ելույթ ունենալ վնասվածքի պատճառով):
Muse-ը աչքի է ընկնում իր էքստրավագանտ, չափազանց էներգետիկ կենդանի կատարումներով, տարբեր ոճի երաժշտություններ միախառնելու համարձակ փորձերով (alternative rock, progressive rock, space ballads, classical music, heavy metal, electronica) և յուրօրինակ վոկալով, ինչի շնորհիվ արժանացել է բազմաթիվ մրցանակների, այդ թվում երկու BRIT Award-ի, հինգ MTV Europe Music Award-ի, ինն NME Award-ի, վաճառել է ավելի քան 13 միլիոն ձայնասկավառակ, 2008թ. Սեպտեմբերի 25-ին խմբի երեք անդամները պարգևատրվել են Պլայմոթի Համալսարանի կողմից Պատվի Դոկտորատով (Honorary Doctorate) երաժշտության մեջ ներդրած ավանդի համար:
Խմբի համերգացանկը, կենսագրությունը, ստեղծագործությունները անվճար հասանելի http://muse.mu պաշտոնական կայքում:

P.S. Խոսքեր են գնում, որ խումբը սկսել է աշխատել հաջորդ սկավառակի վրա, որը հավանաբար կթողարկվի հաջորդ տարի:

Մեկնաբանություններ (4)

Filed under Երաժշտություն

Հետաքրքիր Ծրագրեր – 2

Շարունակում ենք այս խորագրի ներքո ներկայացնել ձեզ օգտակար, անվճար ծրագրեր:

EAN-13 Lookup 2.13 Beta

Դժվար թե ապրանքագետ չհանդիսացող մարդը կարողանա գլուխ հանել միլիոնավոր ապրանքատեսակների վրա տպագրված շտրիխ-կոդերից: Իրականում, դրանք շատ բան կարող են պատմել ապրանքի տեսակի և արտադրման երկրի մասին: Ձեռքի տակ ունենալով Windows Mobile համակարգով աշխատող սմարթֆոն, այլևս չեք վախենա սուպերմարկետում անորակ ապրանք գնելուց: EAN-13 Lookup-ը կլուսանկարի շտրիխ կոդը և կբեռնի ապրանքին վերաբերող անհրաժեշտ ինֆորմացիան, ապրանքը գնողներից ստացված բողոքները (եթե այդպիսիք կան) և այլն…
Ապահովվող ՕՀ-եր՝ Windows Mobile 5 կամ ավելի նոր
Հասցեն՝ http://4pda.ru/f orum/index.php?showtopiс=128248

IZArc 4.0

Շատ լավ անվճար արխիվատոր: WinRar-ին արժանի փոխարինող: Ինտեգրացվում է Windows Explorer-ի հետ, հասկանում է գրեթե ցանկացած արխիվային ֆորմատ: Օժտված է մի շարք լրացուցիչ ֆունկցիաներով, այդ թվում՝ AES ալգորիթմով արխիվի կոդավորում (encription), ֆայլի ամբողջականության ստուգում և այլն: Միակ թերությունը թերևս կարելի է համարել մի փոքր անհարմար միջերեսը…
Ապահովվող ՕՀ-եր՝ Windows 2000/XP/Vista/7
Պաշտոնական կայքը՝ http://izarc.org

7-PDF Maker 1.0.1

Հիանալի PDF փոխակերպիչ (converter): Մուտքում ստանում է .doc, .docx, .xls, .html, .rtf, .odf, .txt և մի շարք այլ ֆորմատների տեքստային և գրաֆիկական ֆայլեր և վերածում է դրանք .pdf-ի: Ի տարբերություն նմանատիպ ծրագրերի մեծամասնությանը, 7-PDF Maker-ը վիրտուլ պրինտերով չի «տպում» ինֆորմացիան PDF ֆայլի մեջ (չի վերածում ֆայլի պարունակությունը ռաստերային էջերի), այլ ստեղծում է .pdf փաստաթղթեր, պահպանելով մուտքային ֆայլում առկա վեկտորական ինֆորմացիան:
Ապահովվող ՕՀ-եր՝ Windows XP/Vista/7
Պաշտոնական կայքը՝ http://7-pdf.de

Notepad++ 5.7
Windows-ի ստանդարտ Notepad-ը մնում է նույնը ստեղծման օրվանից ի վեր: Առաջարկվող բաց ծրագրային կոդով ծրագիրը հանդիասնում է հիանալի փոխարինում հին ու բարի սահմանափակ հնարավորություններով օժտված ու որոշ դեպքերում անհարմար Notepad-ին: Բացի նրանից, որ այն հասկանում է տեքստի կոդավորման բոլոր ժամանակակից սխեմաները (հիանալի աշխատում է Unicode-ի հետ), այն կարող է նաև գունավորել գրեթե բոլոր ծրագրային լեզուների սինտակսիսները, այսպիսով դարձնելով ծրագրային կոդը ընթեռնելի: Եթե գումարենք այս ամենին շատ ճկուն, կարգավորվող միջերեսը, ծրագրային հավելումներ (plugins) կցելու հնարավորոթյունը, ապա հասկանալի է, որ ծրագիրը պետք է տեղադրված լինի յուրաքանչյուր ծրագրավորողի (և ոչ միայն) համակարգչին:
Ապահովվող ՕՀ-եր՝ Windows 2000/XP/Vista/7, Linux (.tar, .gz)
Պաշտոնական կայքը՝ http://notepad-plus-plus.org

Թողնել մեկնաբանություն

Filed under IT Նորություններ