Category Archives: IT Հետազոտություն

Փորձարկում ենք Google+ ծառայությունների փաթեթը

Վերջապես այսօր ստացա Google+ ծառայությունների փաթեթի հրավեր: Բլոգում մի քանի օր առաջ դրա մասին գրել ենք: Եթե չեք կարդազել գրառումը, ասեմ, որ այն սոցիալական ցանց է, որը կապում է Google-ի հին ծառայությունները (GMail, Picasa, Chat և այլն) և առաջարկում է նորերը (դրանց մասին դեռ կխոսենք):

Առաջին անգամ Google+ի գլխավոր էջը տեսնելուց միանգամից մտածում ես, որ այն facebook-ի կլոնն է (կամ, չլինի facebook-ի ձևավորումը փոխել են…):
Capture
«Ընկերներին» կարելի է խմբավորել Circles (շրջանակներ) կոչվող օբյեկտներում: Հետագայում խմբային չատ, խմբային վիդեոչատ (սրա անունն էստեղ hangouts է) կազմակերպվում է հենց նույն շրջանակներում:
image 
Facebook-ի «պատին» այստեղ փոխարինում են stream-ները (հոսք), ընդ որում ամեն շրջանակ ունի իր առանձին հոսքը: Նոր նկարներ, վիդեոներ, պատմություններ, հղումներ ավելացնելիս կարելի է նշել այն հոսքերը, որոնք կարող են տեսնել նորությունները: Սա բավականին հարմար է (օրինակ, երբ չես ուզում, որ աշխատանքի վայրում տեսնեն վերջին ընկերական խնջույքի նկարները (նույն բանը կարելի է անել նաև facebook-ում, բայց հրապարակման կարգավորումները այնտեղ գործում են անհատներին նշելու/հեռացնելու սկզբունքով)): ստանալ Հոսքերի գրառումների տակ մեկնաբանություններ թողնելու մեխանիզմը գրեթե նույնն է, ինչ facebook-ում:
Շատ ուրախացրեց Photos-ը: Նախ և առաջ, գրանցվելիս Google+ը թույլ է տալիս կապել G+ Photos-ը Picasa-ի հետ: Այսպիսով Picasa-յում տեղադրված բոլոր նկարները (իրենց հրապարակելու կարգավորումներով) հասանելի են G+ Photos-ում և հակառակը: Նկարները դիտելու ու կառավարելու գործընթացը շատ հարմարավետ է:
image 
Facebook-ի Page-երին այստեղ փոխարինում են ավելի պարզեցված Sparks-ը: Սա պարզապես ձեր նախընտրած թեմայով տարբեր կայքերից պարբերաբար հոդվածներ է հավաքում և ներկայացնում է մեկ հոսքի ներքո, թույլ տալով ցանկության դեպքում կիսել (share) դուր եկած հոդվածը ընտրյալ շրջանակների հետ:
image
Եվ վերջապես աուդիո/վիդեո չաթերի մասին: Հաճելի է նկատել, որ աուդիո «զանգ» կարելի է անել ընկերներին անմիջապես չաթի պատուհանից (որը գրեթե ոչնչով չի տարբերվում facebook-ի չաթի պատուհանից): Առավել ուրախացնում է խմբակային վիդեո չաթը: Այն աշխատացնելու համար Google+ը պահանջում է տեղադրել Google Audio/Video plugin անունը կրող հավելում: Խմբակային վիդեո չաթը աշխատում է, ինչպես և խոստացված էր: Hangout-ին մասնակցել կարող են առավելագույնը 10 մարդ: Կենտրոնական մեծ պատուհանում երևում է այն մասնակցի [ուղիղ եթերով] պատկերը, ում ձայնը տվյալ պահին ամենաբարձրն է:

Ընդհանուր առմամբ, Google+ը ամենևին չի հեղաշրջում սոցիալական կայքերի ոլորտը, և միայն ժամանակը ցույց կտա, թե կդառնա այն արդյոք այնքան տարածված, որքան facebook-ն ու twitter-ն են: Մյուս կողմից, շատ քիչ ծառայություններ կարող են պարծենալ խմբակային վիդեո չաթ առաջարկելու (անվճար!) հնարավորությամբ: Այնպես որ, փորձել արժե, բայց, մեկը ես ամբողջովին «տեղափոխվել» Google+ դեռևս չեմ պատրաստվում:

P.S. Facebook-ը չի պատրաստվում ձեռքերը ծալած կանգնել և շուտով այն կգործարկի սեփական վիդեո չաթի ծառայությունը (ավելի ստույգ, Skype-ի վիդեոզանգերը կինտեգրվեն Facebook-ում): Դեռևս խոսքը գնում է միայն 1-1 վիդեոզանգերի մասին (Skype-ում խմբակային վիդեոզանգերը վճարովի են):

Advertisements

1 մեկնաբանություն

Filed under IT Հետազոտություն

Լավագույն Debugger-ները

Հարգելի assembler կոդ փորփրել սիրող հասարակություն! Գաղտնիք չէ, որ հին ու բարի C:\Windows\system32\debug.exe-ի և td.exe-ի ժամանակները վաղուց անցել են: Ներկայացնում եմ իմ կարծիքով առավել ֆունկցիոնալ ու հարմար ժամանակակից լուծումներից երկուսը:

1. Olly Debugger

Անվճար ու բավականին հարմար debugger: Հնարավորություններից կարելի է նշել բազմահոսք ծրագրերի հետ աշխատանքը, UNICODE-ի լրիվ ապահովումը, WinAPI ֆունկցիաների կանչերի դեկոդավորումը, SSE տեխնոլոգիաների հրամանների դեկոդավորումը (սրա մասին մեծ հոդված ենք պատրաստվում շուտով հրապարակել): Շատ պարզ ու հարմար միջերես ունի՝ որի հետ հեշտ կլինի աշխատել նախկին Turbo Debugger օգտագործողներին:

2. IDA Pro
Capture
Երևի ամենահզոր debugger-ն է: Օժտված է ամենաբազմազան հնարավորություններով: Կարելի է սկրիպտներ գրել աշխատանքն ավտոմատացնելու համար (վերջին տարբերակներում սա կարելի է անել նաև Python-ով): Ծրագիրը կարելի է ընդլայնել արտաքին հավելումների հաշվին (extensions): Բավականին բարդ է օգտագործման համար՝ հազիվ ես հասկանում որն ինչ է…

Կխնդրեի, որ դուք ևս գրեիք, ինչ նման ծրագրեից եք օգտվում:

Մեկնաբանություններ (2)

Filed under IT Հետազոտություն

Ինֆորմացիոն պատերազմներ

Դժվար թե ինչ-որ մեկը տեղյակ չլինի Թունիսում տեղի ունեցող քաղաքացիական պատերազմներին ու հեղաշրջմանը: ԶԼՄ-ները արդեն երկու ամիս է անընդհատ պատմում են դրա մասին:
Դեռևս տարվա սկզբին Թունիսի հատուկ ծառայությունները պարզել են, որ ընդդիմության անդամները հաղորդակցվում, հակակառավարական քարոզչություն են վարում և հավաքներ են կազմակերպում Facebook սոցիալական ցանցի օգնությամբ: Սա ի նկատի ունենալով, կառավարության պահանջով երկրի միակ ինտերնետ մատակարարը ISP-ի մակարդակով ներդրել է JavaScript կոդ, որի օգնությամբ հավաքվել է Facebook-ից օգտվող բոլոր քաղաքացիների մուտքանուններն ու գաղտնաբառերը (ինչ-որ ձևով HTTPS էջերը ներքին կարգով բերվել են HTTP-ի?): Շատերը կորցրել են իրենց հաշիվների կառավարումը:
Zuckerberg_sign.jpg
Հունվար ամսվա սկզբին, հաշվի առնելով Թունիսի բաժանորդներից ստացվող տարօրինակ բողոքները, սոց. ցանցի անվտանգության բաժնի վարիչ Ջո Սալլիվանը հանձնարարել է իր աշխատակիցներին պարզել բողոքների պատճառը: Նույն ամսում աշխատակիցները հասկանում են, որ գողացված են բոլոր թունիսցիների հաշիվները և որ «կողոպուտը» կազմակերպել են երկրի հատուկ ծառայությունները: Մեկ ուրիշ կազմակերպություն, գուցե, չփորձեր խթանել նման բարձր մակարդակով իրականացվող անօրինությունը: Այնուամենայնիվ, Հունվարի 10-ին թունիսցի օգտվողների համար սկսել է կիրառվել հատուկ երկմակարդակ մուտքի համակարգ՝ առաջին փուլում առաջարկվում է մուտքագրել սովորական մուտքանունն ու գաղտնաբառը, երկրորդում՝ տրված մարդկանց նկարներից գտնել օգտվողին ծանոթ նկարը: Այսպիսով Facebook-ը ձեռնոց է նետել թեև փոքր, բայց իրական պետության հասցեին: Զարմանալի չի լինի, եթե մոտ ապագայում Թունիսում կայքն ընդհանրապես արգելափակեն:

1 մեկնաբանություն

Filed under IT Հետազոտություն

Google որոնման հնարքներ

Երևի դժվար է գտնել մի մարդու, ով երբևէ չի որոնել համացանցում ինչ-որ ինֆորմացիա Google-ի որոնման համակարգով: Բայց քչերը գիտեն, որ որոնման տողը շատ ավելի բան կարող է անել, քան ինչ-որ բառեր պարունակող էջեր գտնելը: Եկեք մանրամասն դիտարկենք դրա հնարավորությունները:
Ուշադրություն՝ բոլոր բերված օպերատորները չէ, որ աշխատում են google.am-ում: Խորհուրդ է տրվում փորձարկել google.us-ում:

1. Պարզագույն օպերատորներ
+
Որոնման արդյունքներում պարտադիր պետք է հանդես գա օպերատորից հետո գրված բառը:
Որոնման արդյունքներում պետք է պարտադիր բացակայի օպերատորից հետո գրված բառը:
OR Երկտեղ օպերատոր է: Որոնման արդյունքներում պետք է հանդես գա սրան կից բառերից միայն մեկը:
“ ” Բացվող և փակվող չակերտների միջև գրված արտահայտությունը ճիշտ նույն ձևով հանդես կգա որոնման արդյունքներում:
~ Օպերատորից հետո գրված բառի հոմանիշները ևս կարող են հանդես գալ որոնման արդյունքներում
* Սրա փոխարեն կարող է լինել ցանկացած բառ
.. կրկնակի կետը թույլ է տալիս նշել թվային միջակայք
Օրինակ՝ TV Panasonic OR Samsung + 3D – LED price 500..1500 ~size *

paik10-hp
2. Բարդ օպերատորներ
daterange:
Թույլ է տալիս նշել որոնվող էջերի վերջին մոդիֆիկացիայի ժամանակահատվածը: Ժամանակահատվածը տրվում է օպերատորից անմիջապես հետո, Հուլիոսյան օրացույցով:
filetype: Թույլ է տալիս որոնել ֆայլեր: Օրինակ՝ filetype:pdf
site: Սահմանափակում է որոնվող էջերը, թողնելով միայն նշված դոմենում գտնվողները: Օր.՝ site:wikileaks.org armenia
cache: Ցույց կտա Google Cache-ում պահված էջի կրկնօրինակը, եթե այն կա Օրինակ՝ cache:tomshardware.com
link: Ցույց է տալիս այն էջերը, որոնք հղումներ են պարունակում օպերատորից հետո նշված էջին:
related: Ցույց է տալիս էջերը, որոնք ինչ-ինչ ալգորիթմով Google-ը համարում է նման օպերատորից հետո նշված էջին:
info: Վերադարձնում է որոշակի տեղեկատվություն օպերատորից հետո նշված էջի մասին (կայքը, որին այն պատկանում է, ստեղծման օրը և այլն…)
define: Վերադարձնում է օպերատորից հետո նշված բառի սահմանումը: Փորձեք define:matrix
phonebook: Հեշտ եղանակ է մարդկանց որոնելու համար: Օպերատորից հետո նշվում է մարդու անունը կամ ազգանունը: Օրինակ՝ phonebook:Aroyan Yerevan
stoks: Որոնում է ֆինանսական տեղեկատվություն նշված կոդային անունով կազմակերպության մասին: Օրինակ՝ stoks:goog
weather: Որոնում է նշված քաղաքի համար եղանակի կանխատեսումը: Օրինակ՝ weather:new york
movie: Որոնում է ամերիկյան կինոթատրուններում նշված ֆիլմի տոմսեր ու սեանսների ժամեր:
flights: Որոնում է չվերթներ ամերիկյան օդանավակայաններից:

xraydiscovery2010-ps[5]

3. Google հաշվիչ
Որոնման տողը կարելի է օգտագործել որպես հաշվիչ: Օրինակ՝
3 + 2 + sqrt(81) կվերադարձնի 14: Թվերը կարելի է մուտքագրել նաև ութական, տասնվեցական և բինար հաշվարկման համակարգերով, դրանցից առաջ նշելով 0o, 0x, 0b համապատասխանաբար: Կարելի է օգտվել հետևյալ գործողուլյուններից և ֆունկցիաներից՝ +,, *, /, % (բաժանման մնացորդ), ^ (աստիճանի բարձրացում),  sqrt (քառակուսի արմատ), nth root ofx (n-րդ աստիճանի արմատ x-ից), sin, cos, tan, ctan, arctan, arcctan, arcsin, arccos, ln, log (10 հիմքով), ! (ֆակտորիալ): Կարելի է բերել թվերը տարբեր ներկայացումների օգտվելով հետևյալ ֆունկցիաներից՝
in hex,  in binary, in octal, in decimal, in roman numerals:
Կարելի է նաև բերել ֆիզիկական մեծությունները տարբեր չափման միավորների: Օրինակ՝ 1 mile in m, 200000km in light-second, 280 kelvin in celsius, 1 month in second և այլն: Փոխակերպել կարելի է նաև տարադրամը, օրինակ՝ 1$ in Australian dollars (ցավոք, հայկական դրամը չի հասկանում), ինչպես նաև խոհարարական չափաքանակները, օրինակ՝ 1 cup + 1 tablespoon in teaspoon (քանի թեյի գդալ է մեկ բաժակը և մեկ ճաշի գդալը):

1 մեկնաբանություն

Filed under IT Հետազոտություն

Չինական IT ինդուստրիայի իրականությունը

foxconnwages
Foxconn ընկերությանը պատկանող, Չինաստանի Շենզեն քաղաքում գտնվող գործարանում աշխատում են 420,000 չինացի: Այստեղ են արտադրում մեր օգտագործած էլեկտրոնային սարքերից շատերում տեղադրված մասեր, Foxconn-ի միկրոսխեմաները նույնիսկ տեղադրված են iPhone-ներում: Կարող է տպավորություն ստեղծվել, որ նման հաջողակ ընկերությունը պետք է որ լավագույն աշխատանքային և ապրուստի պայմաններով ապահովի իր աշխատակիցներին: Սակայն իրականությունը բոլորլովին այլ է:
Նախ սկսենք նրանից, որ այդ բոլոր 420000 չինացիները բնակվում են 2,1 քառակուսի կիլոմետր մակերեսում կառուցված հանրակացարանում:
img_1067_01
Վերջերս այնքան էր բարձրացել աշխատանքային շատ ծանր գրաֆիկի ու թշվառ ապրելակերպի պատճառով ինքնասպանություն գործող աշխատակիցների թիվը, որ ընկերությունը «ստիպված» ցանցեր սկսեց տեղադրել հանրակացարանի մասնաշենքերի տակ:
500x_img_1077_01
Մայիս ամսին այս ցանցերի տեղադրումից հետո ինքնասպանությունների դեպքեր այլևս չեն գրանցվել (հաստատ ինքնասպանության փորձերի դեպքեր գրանցված կլինեն):
Հանրակացարանի յուրաքանչյուր 6 քառակուսի մակերեսանոց սենյակում ապրում է 8 մարդ և յուրաքանչյուր 5 սենյակի համար միջացնքում տեղադրված է մեկ հեռուստացույց:
500x_img_1069_01
Աղբյուրը՝ http://gizmodo.com, WIRED ամսագիր
Հեղինակ՝ Ջոել Ջոնսոն (Joel Johnson)

Չգիտեմ նույնիսկ ինչու որոշեցի տեղադրել այս գրառումը բլոգում: Գուցե որ հասկանանք ինչպիսին է մարդկանց կյանքը որոշ երկրներում ու սկսենք գտահատել մերը? Հետևությունները թողնում եմ ձեզ…

Թողնել մեկնաբանություն

Filed under IT Հետազոտություն

Միկրոչիպերի կյանքի սկիզբը

Մենք բոլորս ամեն օր օգտվում ենք համակարգիչներից, բջջային հեռախոսներից, պլեյերներից և շատ ուրիշ կենցաղային սարքերից: Այդ բոլոր սարքերը կառավարվում են պրոցեսորների կողմից: Բայց երևի շատ քչերն են մտածել թե ինչպես են այդ փոքրիկ սարքերը այդքան ֆունկցիա կատարում և թե ինչպես են դրանք պատրաստվում? Առաջին հարցին կպատասխանեմ մի ուրիշ օր, իսկ հիմա ավելի մանրամասն պատմեմ միկրոպրոցեսորների կամ միկրոչիպերի պատրա ստման մասին:

Figure_02

Միկրոչիպը կարելի է պատկերացնել որպես շատ փոքր տպասալ: Ովքեր չգիտեն, ասեմ, որ տպասալերը դրանք են կանաչ գույնի պլատաներն են, որ դրվում են օրինակ հեռուստացույցի մեջ: Միկրոչիպերը պատռաստվում են սիլիցիումի բյուրեղից (նշեմ, որ սիլիցիումը ամենատարածված նյութերից մեկն է, և մեծ քանակությամբ սիլիցիում կա ծովափի ավազի մեջ): Սկզբում պատրաստվում է սիլիցիումի մեծ գլան (մոտ 30-35սմ տրամագծով) էպիտացիալ աճի միջոցով: Այսինքն վակումի մեջ դրվում է սիլիցիումի մի կտոր և այն լցվում է սիլիցիումով հարուստ գազով: Գազի մոլեկուլները գալիս, կպնում են սիլիցիումի կտորին՝ ստեղծելով բյուրեղացանցը: Սիլիցիումի գլանը բաժանում են բազմաթիվ բարակ դիսկերի, որոնք կոչվում են wafer (պատկերված է նկարում): Մեկ վաֆերի վրա ստանում են բազմաթիվ միկրոչիպեր:

wafer

Վաֆերի մակերեսը օքսիդացնում են և պատում ֆոտոռեզիստով՝ մի նյութով, որը փոխում է իր հատկությունները լուսի ազդեցությունից: Ֆորեռեզիստի վրա հատուկ դիմակի միջով անցկացնում են լույսը: Լույսի ազդեցությունից փոխված նյութը, ինչպես նաև նրատակ եղած օքսիդը քայքայվում են հատուկ քիմիկատներով: Բացված անցքից սիլիցիումի մեջ ներմուծվում են դոնորներ կամ ակցեպտորներ՝ ստանալով տրանզիստորի p կամ n տիրույթ (Սրանց մասին կխոսենք ուրիշ օր) կամ մետաղ՝ ստանալով միացումներ: Այս փուլը կոչվում է ֆոտոլիտոգրաֆիա:

photolithography

Սա կրկնվում է մի քանի անգամ ստանալով տարբեր էլեմենտներով տարբեր շերտեր:

p20003222g13001

Պատրաստ միկրոչիպի բյուրեղը տեղադրվում է պատյանի մեջ, միացվում են մուտքի/ելքի կոնտակտները: Այսքանով ավարտվում է միկրոպրոցեսորի կյանքի առաջին փուլը, և այն ուղարկվում է թեստավորման և հետագա շահագործման:

Ես նկարագրեցի միկրոչիպի պատրաստումը ամենապարզ ձևով: Իրականում այն շատ ավելի բարդ գործ է, և երևի նույնիսկ գործարանի աշխատողները լիովին այն չեն պատկերացնում:

Մի ուրիշ օր կպատմեմ միկրոպրոցեսորի աշխատանքի սկբունքը:

Կարդա նաև՝ Քո համակարգչի ճարտարապետությունը — Մայր Բորդ
Microsoft-ը և IBM-ը «տպում են» պրոցեսորը և վիդեո-պրոցեսորը 45nm չիպի վրա

Թողնել մեկնաբանություն

Filed under IT Հետազոտություն

Synopsys

862197a9747379c96b50fa9f4d4dc2a0

Այս գրառումով ես կփորձեմ ձեզ ներկայացնել Սինոփսիս ընկերությունը, և մասնավորապես Երևանում գտնվող նրա ուսումնական կենտրոնը (SAED – Synopsys Armenia Education Department): Սինոփսիս ընկերության հիմնական ուղղությունը դա էլեկտրոնային նախագծման ավտոմատացումն է, կարճ ասած Սինոփսիսը մշակում է ծրագրային ապահովում կիսահաղորդչային ինտեգրալ սխեմաների նախագծման համար: Նրա ծրագրերը ընդգրկում են այն ամենը ինչը անհրաժեշտ է պատրաստի նախագիծ ստանալու համար, այսինքն դրանցով հնարավոր է տարրական բջիջները (օրինակ Շրջիչ, Կրկնիչ, ԵՎ, ԿԱՄ, ՈՉ և այլն) նկարագրել, ստուգել դրանց աշխատանքը, կազմել բջջի layout-ը, գտնել բոլոր պարազիտիկ երևույթները և այլն: Բացի դրանից Սինոփսիսը զբաղվում է նաև ստանդարտ բջիջների գրադարաններ նախածելով (սա է Հայաստանի մասնաճյուղի հիմնական գործը):

DSC00220

Հիմա մի քիչ մանրամասն պատմեմ Սինոփսիսի Արմենիաի ուսւմնական դեպարտամենտի մասին: Այն ունի ընդամենը հինգ լսարան, որոնցից չորսում տեղադրված են համեմատաբար նոր համակարգիչներ և պրոեկտորներ: Հինգերորդ լսարանում համակարգիչներ չկան՝ անյ մեծ մասամբ լեկցիանել կարդալու համար է: Լսարանները ունեն շատ հետաքրքիր անուններ՝ Մաքսվել, Նյուտոն, Գալիլեյ, Էյնշտեյն և Ֆարադեյ: Բացի դրանից կա փոքրիկ կաֆետերիա, որտեղ ուսանողները ազատ ժամանակ կարող են անվճար(!) կոֆե կամ թեյ ըմպել:

DSC00223

Բոլոր համակարգիչների վրա տեղադրված են Windows XP և CentOS (linux) օպերացիոն համակարգերը, բայց դասավանդելու ժամանակ օգտագործվում է վերջինը: Համակարգիչները իրաի միացված են ընդհանուր ցանցով, որտեղ բացի ուսումնական ծրագրերից կան նաև շատ գրքեր, սլայդներ և այլն: Դասախոսները մեծ մասամբ ՀՊՃՀ-ից են կամ հենց Սինոփսիսի աշխատակիցներն են: Ուսուցումը կատարվում է երկու մասնագիտությամբ՝ EDA և VLSI: Ոսուցումը ավարտելուց հետո ուսանողներից շատերը ստանում են Սինոփսիսում աշխատելու առաջակ: Այսքանով ավարտում եմ Սինոփսիսի նկարագրությունը: Ավելի մանրամասն կարող եք իմանալ Սինոփսիսի վեբ կայքից

Թողնել մեկնաբանություն

Filed under IT Հետազոտություն, Համալսարանական