Category Archives: Առօրեական

Մենք 1 Տարեկան և 1 Օրեկան ենք

Անցած տարվա դեկտեմբերի 2-ին էր, երբ գրեցինք առաջին պոստը: Այսօր, դեկտեմբերի 3-ին, մենք 1 տարեկան և 1 օրեկան ենք: Կհարցնեք ինչու ենք հենց տոնում 1 տարին + 1 օրը: Պատճառը շատ պարզ է՝ մոռացել էինք, որ բլոգը «ծնվել է» դեկտեմբերի 2-ին: Եվ եթե այսօր առավոտյան մեր հեղինակ, «Մտածենք» բաժնի մոդերատոր Գրիգորյան Տիգրանուհին չհիշեր, միգուցե հենց այդպես էլ չեինք հիշի դրա մասին: Բայց ոչինչ, մեկերի և զրոների կույտերը հակված չեն վիրավորվելու, երբ մոռանում են նրանց ծննդյան տոները… Smile

first-birthday-cake1

Այժմ եկեք մեկ հայացք հետ գցենք և տեսնենք, թե ինչ ենք արել այս 366 օրվա ընթացքում.
88 Գրառում, 182 Մեկնաբանություն, 699 բանալի (tag), ~9000 դիտում, ընդ որում, վերջին 1,5 ամսվա ընթացքում մեզ այցելել են 31 երկրից 869 այցելու (80,9% Հայաստանից, 10% ԱՄՆ-ից, 3,2% ՌԴ-ից և այլն):
Մեր բլոգում որոնել են շատ ու շատ բառեր, ամենազվարճալին, ինձ թվում է ինչպես բոյովանալ-ն է (9 անգամ!):
Դե ինչ, վիճակագրական ցուցակը կարելի է շարունակել, բայց չծանրաբեռնեմ ձեզ անպիտան ինֆորմացիայով… Մնացեք մեզ հետ, և մենք հնարավորինս հաճախ կփորձենք ձեզ հետաքրքրող գրառումներ տեղադրել այստեղ, ինչպես, հուսով եմ, անում ենք արդեն մեկ տարի + մեկ օր…

Advertisements

Մեկնաբանություններ (6)

Filed under Առօրեական

Ծնունդդ Շնորհավոր «Ժպիտիկ» :-)

1982թ. սեպտենբերի 19-ին Կարնեգի-Մելոնի անվան համալսարանի պրոֆեսոր Սքոթ Ֆալմանը առաջին անգամ առաջարկեց օգտագործել երեք նիշ` երկու կետ, միացման գծիկ եւ փակման փակագիծ, որպես «ժպտացող դեմք» տեքստում: Դա մեծ համալրում էր էլեկտրոնային լեքսիկոնում:

Ֆալմանի` տեղական էլեկտրոնային տեղեկագրին ուղարկած նամակը մինչ այժմ պահպանվել է (էլեկտրոնային տեղեկագիրը այսօրվա ֆորումների նախատիպն էր և այդ ժամանակ  համարվում էր համալսարանի աշխատակիցների միջև շփման հիմնական միջոցը): Ահա այդ հաղորդագրությունը (ամբողջ նամակը կարող եք դիտել այստեղ).

19-Sep-82 11:44 Scott E Fahlman 🙂 From: Scott E Fahlman I propose that the following character sequence for joke markers: 🙂 Read it sideways.

Actually, it is probably more economical to mark things that are NOT jokes, given current trends. For this, use 😦

Պատմական հաղորդագրությանը նախորդել է երկար քննարկում, որտեղ  մասնակիցները քննարկել են, թե ինչպիսի սիմվոլներ կարող են օգտագործել տեքստում, արտահայտելու համար, որ հաղորդագրությունը հումորային է: Նշենք նաև, որ հաղորդագրությունը, որում առաջին անգամ օգտագործվել է «ժպիտիկը» գտնվել է միայն 2002 թվականին, հայտարարությունների արխիվում, որը պահպանվել էր լենտի վրա:
«Թվային հնագիտական պեղումներին», որոնք կազմակերպվել էին այդ հաղորդագրությունը գտնելու և դրանով «սմայլիկի» ծննդյան ամսաթիվը որոշելու նպատակով, ներկա էին մի քանի խանդավառվածներ 🙂

Scott E. Fahlman

Շատերը քննադատում էին ընդհանրապես ժպտացող դեմքի գաղափարը` ասելով, որ լավ գրողները չպետք է կարիք ունենան ընդգծելու իրենց հումորային մեկնաբանությունները: Շեքսպիրը, Ջոնաթոն Սվիֆտը և Մարկ Տվենը իրենց շատ լավ էին զգում առանց դրա: Եվ ընդգծելով, որ մեկնաբանությունը չպետք է լուրջ ընդունվի, մենք փչացնում ենք կատակը: Երգիծական գրվացքներում հաճույքի մի մասն էլ այն է, որ երբեք չես կարող իմանալ հեղինակը լուրջ է գրում, թե ոչ:

«Որոշ չափով ես համաձայն եմ այս քննադատությանը,_ասում է Սքոթ Ֆալմանը,_ Գուցե Ժպիտիկը ավելի շատ փչացրել է մեր գրավոր հաղորդագրությունները քան բարելավել, բայց գաղափարը պաշտպանելու համար ես երկու բան կասեմ: Նախ`ամեն մարդ չէ, որ Շեքսպիրի կամ Տվենի նման գրական վարպետություն ունի, և նույնիսկ այդ վարպետներն էլ վատ օրեր են ունենում: Երկրորդ, որ ավելի կարևոր է, ամեն գրող յուրահատուկ ձևով է գրում, և եթե կարդացողների 1%-ը չհասկանա կատակը, ապա կարող են առաջանալ վեճեր մնացած 99%-ի հետ: Ուրեմն, եթե մի քանի սմայլիկի խելամիտ օգտագործումը կարող է նվազեցնել այդպիսի վեճերի հաճախականությունը, ապա այնքան էլ վատ գաղափար չէ: Կրկնում եմ, մենք խոսում ենք Ինտերնետում սովորական հաղորդագրությունների մասին, և ոչ թե հայտնի ստեղծագործությունների, որոնք համեմատաբար անհասանելի են հանրությանը:»

Իր գոյության ավելի քան 25 տարվա ընթացքում«ժպիտիկը» դարձել է էլեկտրոնային հաղորդակցության կարևոր մասը, և շատերը արդեն չեն կարող պատկերացնել, թե ինչպես կարելի էր յոլա գնալ առանց նրա:
«Ժպիտիկը» փոխարինում է այն, ինչը պակասում է չատով կամ էլփոստով շփվելիս` ձայնի ինտոնացիան և դեմքի միմիկան: «Ժպիտիկները» օգնում են ավելի լավ հասկանալ զրուցակցին, նրա տրամադրությունը, և ի վերջո, նրանք պարզապես ծիծաղելի են և առաջացնում են դրական էմոցիաներ:

Ուրեմն եկեք գոնե այսօր չմոռանաք ժպտալու և մեր ընկերներին սմայլիկներով հաղորդագրություններ ուղարկելու մասին:)

Իսկ հոկտեմբերի 1-ին նշվում է Ժպիտի Միջազգային օրը:

Թողնել մեկնաբանություն

Filed under Առօրեական

Երևանի ֆուտուրիստիկ երկնաքերը

yerevan-armenia-eco-friendly-skyscraper 
Կհավատաք թե չէ, բայց այս առաջին հայացքից ֆանտաստիկ կինոներից թվացող շենքը կառուցելու են Երևանում: Շենքը իրենից ներկայացնում է բազմաֆունկցիոնալ երկնաքեր, որի մեջ մտնում են հսկայական ավտոկանգառ, մի քանի հյուրանոց, օֆիսներ, զբոսայգի, բնակելի հարկեր: Շենքը նախագծել է հայ ճարտարապետ Վահան Միկասյանը: Հսկայական կառույցը օժտված է լինելու վերջին eco-friendly տեխնոլոգիաներով՝ անձրևաջրերը հավաքելու համակարգով, ֆոտոէլեկտրոնային մարտկոցներով, գերժամանակակից օդափոխման համակարգով: Շենքի ինտելեկտուալ «պատյանը» թույլ է տալու կարգավորել ներս թափանցող ցերեկային լույսի պայծառությունը: Հիանալի է, խոսքեր չկան…

Աղբյուրը՝  http://infuture.ru

Թողնել մեկնաբանություն

Filed under Առօրեական, Զարմանալի

Հեղինակային իրավունքների ոտնահարումը հեռուստաեթերում

Capture

Assassins-Creed-2-Ezio 
Հայաստանի բոլոր խոշոր հեռուստաընկերութունները իրենց լրատվական հաղորդումներում բազմիցս քարոզում են ինտելեկտուալ սեփականության և հեղինակային իրավունքների պաշտպանության մասին, բայց առաջին հերթին, հենց իրենք են բացահայտ կերպով խախտում դրանք: Այսպես օրինակ, Հայատանի հանրային հեռուստաընկերությունը իր սեփական արտադրության  անորակ ու տաղտկալի հեռուստասերիալներում օգտագործում է Ubisoft ընկերության Assassin’s Creed II վիդեոխաղի երաժշտությունը (շնորհակալություն Ա. Գրիգորյանին այս մասին հայտնելու համար, ինչպես նա նշեց՝ “կոֆե խմելու տեսարաններում հնչում է խեղճ ֆրանսիացիների սիմֆոնիկ երաժշտությունը”), իսկ Շանթ հեռուստաընկերությունը նախկինում ցուցադրվող սերիալներում ազատ կերպով օգտագործում էր լրտես Բորնի մասին պատմող ֆիլմերից «ցրած» երաժշտությունը (հեռուստաընկերությունը նույնիսկ առանց հապաղելու թողարկում է իր արտադրանքը DVD սկավառակների տեսքով), իսկ վերջերս սկսել է «համեմել» իր հեռուստատեսային «գլուխգործոցները» անգլիական Muse ռոք խմբի երգերից վերցված հատվածներով: Ես հանգամանորեն խուսափում եմ դիտել հայկական արտադրության հեռուստասերիալները, բայց համոզված եմ, որ վերը թվարկված դեպքերը (և հեռուստաընկերությունները) միակը չեն: Ներքին ձայնը ինձ հուշում է, որ դժվար թե վերոհիշյալ հեռուստաընկերությունները գնել են երաժշտությունն օգտագործելու իրավունքները կամ ստացել են դրանք օգտագործելու գրավոր համաձայնագրեր 😀 Իսկ դա նշանակում է, որ մենք գործ ունենք ինտելեկտուալ սեփականության ու հեղինակային իրավունքների կոպիտ ու բացահայտ, անպատիժ խախտման հետ:
P.S. Շարունակենք ձևացնել, որ ունենք բարձրորակ հեռուստաալիքներ… 😦 Հետո էլ ասում են, թե հեռուստա-ռադիո-մամուլի տեսչությունը (կամ ինչպես են դրան անվանում) հսկում է իրավիճակը…

Թողնել մեկնաբանություն

Filed under Առօրեական, Կինո և Հեռուստատեսություն

//Շնորհարհավոր Նոր Տարի v2010 Final


Եվս մեկ տարի մեծացանք հարգելիներս… Ավելի ճիշտ ոչ թե մենք մեծացանք, այլ մեր մոլորակը: Հա, հա, լուրջ եմ ասում, անցավ 2009-ը: Ֆինանսական ճգնաժամը պրծավ, խոզի գրիպը նույնպես, Հայաստանում Ամանորի նախաշեմին գրեթե ձյուն չեկավ: Պայծառ նայենք կյանքին ու հավատանք, որ 2010-ին ամեն ինչ էլ ավելի լավ կլինի:
Դե ինչ, չեմ ուզում գրել ծեծված բառեր: Պարզապես ցանկանում եմ ձեզ այն, ինչ ինքներդ եք ձեր համար ցանկանում: Կհանդիպենք մյուս տարի 😉

1 մեկնաբանություն

Filed under Առօրեական