Monthly Archives: Հոկտեմբերի 2010

Շաբաթվա կայքը — Jamendo

Jamendo-ն թույլ է տալիս անվճար ու լիովին օրինական եղանակով լսել և բեռնել երաժշտություն: Այստեղ տեղադրված ամբողջ երաժշտությունը տարածվում է Creative Commons լիցենզիայով, ինչը թույլ է տալիս անվճար, ոչ կոմերցիոն օգտագործման համար տրամադրել այն անհատներին, ընդ որում կարելի է բեռնել ինչպես առանձին ստեղծագործություններ, այնպես էլ ամբողջական ալբոմներ: Ներկա պահին կայքից հասանելի է 40488 ալբոմ:

Jamendo

Այցելել կայքը

Թողնել մեկնաբանություն

Filed under Շաբաթվա կայքը

Միկրոչիպերի կյանքի սկիզբը

Մենք բոլորս ամեն օր օգտվում ենք համակարգիչներից, բջջային հեռախոսներից, պլեյերներից և շատ ուրիշ կենցաղային սարքերից: Այդ բոլոր սարքերը կառավարվում են պրոցեսորների կողմից: Բայց երևի շատ քչերն են մտածել թե ինչպես են այդ փոքրիկ սարքերը այդքան ֆունկցիա կատարում և թե ինչպես են դրանք պատրաստվում? Առաջին հարցին կպատասխանեմ մի ուրիշ օր, իսկ հիմա ավելի մանրամասն պատմեմ միկրոպրոցեսորների կամ միկրոչիպերի պատրա ստման մասին:

Figure_02

Միկրոչիպը կարելի է պատկերացնել որպես շատ փոքր տպասալ: Ովքեր չգիտեն, ասեմ, որ տպասալերը դրանք են կանաչ գույնի պլատաներն են, որ դրվում են օրինակ հեռուստացույցի մեջ: Միկրոչիպերը պատռաստվում են սիլիցիումի բյուրեղից (նշեմ, որ սիլիցիումը ամենատարածված նյութերից մեկն է, և մեծ քանակությամբ սիլիցիում կա ծովափի ավազի մեջ): Սկզբում պատրաստվում է սիլիցիումի մեծ գլան (մոտ 30-35սմ տրամագծով) էպիտացիալ աճի միջոցով: Այսինքն վակումի մեջ դրվում է սիլիցիումի մի կտոր և այն լցվում է սիլիցիումով հարուստ գազով: Գազի մոլեկուլները գալիս, կպնում են սիլիցիումի կտորին՝ ստեղծելով բյուրեղացանցը: Սիլիցիումի գլանը բաժանում են բազմաթիվ բարակ դիսկերի, որոնք կոչվում են wafer (պատկերված է նկարում): Մեկ վաֆերի վրա ստանում են բազմաթիվ միկրոչիպեր:

wafer

Վաֆերի մակերեսը օքսիդացնում են և պատում ֆոտոռեզիստով՝ մի նյութով, որը փոխում է իր հատկությունները լուսի ազդեցությունից: Ֆորեռեզիստի վրա հատուկ դիմակի միջով անցկացնում են լույսը: Լույսի ազդեցությունից փոխված նյութը, ինչպես նաև նրատակ եղած օքսիդը քայքայվում են հատուկ քիմիկատներով: Բացված անցքից սիլիցիումի մեջ ներմուծվում են դոնորներ կամ ակցեպտորներ՝ ստանալով տրանզիստորի p կամ n տիրույթ (Սրանց մասին կխոսենք ուրիշ օր) կամ մետաղ՝ ստանալով միացումներ: Այս փուլը կոչվում է ֆոտոլիտոգրաֆիա:

photolithography

Սա կրկնվում է մի քանի անգամ ստանալով տարբեր էլեմենտներով տարբեր շերտեր:

p20003222g13001

Պատրաստ միկրոչիպի բյուրեղը տեղադրվում է պատյանի մեջ, միացվում են մուտքի/ելքի կոնտակտները: Այսքանով ավարտվում է միկրոպրոցեսորի կյանքի առաջին փուլը, և այն ուղարկվում է թեստավորման և հետագա շահագործման:

Ես նկարագրեցի միկրոչիպի պատրաստումը ամենապարզ ձևով: Իրականում այն շատ ավելի բարդ գործ է, և երևի նույնիսկ գործարանի աշխատողները լիովին այն չեն պատկերացնում:

Մի ուրիշ օր կպատմեմ միկրոպրոցեսորի աշխատանքի սկբունքը:

Կարդա նաև՝ Քո համակարգչի ճարտարապետությունը — Մայր Բորդ
Microsoft-ը և IBM-ը «տպում են» պրոցեսորը և վիդեո-պրոցեսորը 45nm չիպի վրա

Թողնել մեկնաբանություն

Filed under IT Հետազոտություն

Synopsys

862197a9747379c96b50fa9f4d4dc2a0

Այս գրառումով ես կփորձեմ ձեզ ներկայացնել Սինոփսիս ընկերությունը, և մասնավորապես Երևանում գտնվող նրա ուսումնական կենտրոնը (SAED – Synopsys Armenia Education Department): Սինոփսիս ընկերության հիմնական ուղղությունը դա էլեկտրոնային նախագծման ավտոմատացումն է, կարճ ասած Սինոփսիսը մշակում է ծրագրային ապահովում կիսահաղորդչային ինտեգրալ սխեմաների նախագծման համար: Նրա ծրագրերը ընդգրկում են այն ամենը ինչը անհրաժեշտ է պատրաստի նախագիծ ստանալու համար, այսինքն դրանցով հնարավոր է տարրական բջիջները (օրինակ Շրջիչ, Կրկնիչ, ԵՎ, ԿԱՄ, ՈՉ և այլն) նկարագրել, ստուգել դրանց աշխատանքը, կազմել բջջի layout-ը, գտնել բոլոր պարազիտիկ երևույթները և այլն: Բացի դրանից Սինոփսիսը զբաղվում է նաև ստանդարտ բջիջների գրադարաններ նախածելով (սա է Հայաստանի մասնաճյուղի հիմնական գործը):

DSC00220

Հիմա մի քիչ մանրամասն պատմեմ Սինոփսիսի Արմենիաի ուսւմնական դեպարտամենտի մասին: Այն ունի ընդամենը հինգ լսարան, որոնցից չորսում տեղադրված են համեմատաբար նոր համակարգիչներ և պրոեկտորներ: Հինգերորդ լսարանում համակարգիչներ չկան՝ անյ մեծ մասամբ լեկցիանել կարդալու համար է: Լսարանները ունեն շատ հետաքրքիր անուններ՝ Մաքսվել, Նյուտոն, Գալիլեյ, Էյնշտեյն և Ֆարադեյ: Բացի դրանից կա փոքրիկ կաֆետերիա, որտեղ ուսանողները ազատ ժամանակ կարող են անվճար(!) կոֆե կամ թեյ ըմպել:

DSC00223

Բոլոր համակարգիչների վրա տեղադրված են Windows XP և CentOS (linux) օպերացիոն համակարգերը, բայց դասավանդելու ժամանակ օգտագործվում է վերջինը: Համակարգիչները իրաի միացված են ընդհանուր ցանցով, որտեղ բացի ուսումնական ծրագրերից կան նաև շատ գրքեր, սլայդներ և այլն: Դասախոսները մեծ մասամբ ՀՊՃՀ-ից են կամ հենց Սինոփսիսի աշխատակիցներն են: Ուսուցումը կատարվում է երկու մասնագիտությամբ՝ EDA և VLSI: Ոսուցումը ավարտելուց հետո ուսանողներից շատերը ստանում են Սինոփսիսում աշխատելու առաջակ: Այսքանով ավարտում եմ Սինոփսիսի նկարագրությունը: Ավելի մանրամասն կարող եք իմանալ Սինոփսիսի վեբ կայքից

Թողնել մեկնաբանություն

Filed under IT Հետազոտություն, Համալսարանական

Հումորը ծրագրավորման շուրջ 4

Ծրագրավորողները զրուցելիս

 

 

 

 

 
Ինչքան ժամանակ է նոր հումորներ ծրագրավորման շուրջ չենք տեղադրել բլոգում: Բայց դե, ինչպես ասում են, լավ է ուշ, քան ավելի ուշ (?)… Եվ այսպես – Հումորը ծրագրավորման շուրջ 4!

Իսկական ծրագրավորողը երբեք մեկնաբանություններ (comments) չի դնում իր գրած կոդում: Ինչու պետք է ինքը տանջվի գրի կոդը և ուրիշները առանց տանջվելու կարդան այն?

Մեկ Ազգ...

Ծրագրավորողին հարցնում են.
— Ինչպես ձեզ հաջողվեց այդքան կարճ ժամանակահատվածում տիրապետել անգլերենին?
— Ճիշտն ասած, շատ հեշտությամբ: Այնտեղ բոլոր բառերը C++ից են վերցրած:

Մարդու մասին կարծիք կազմելու մասին բավական է նայել նրա Temporary Internet Files-ը:

Ծրագիր գրելու էտապները

Զրուցում են երկու ծրագրավորող.
-Ինչով է տարբերվում ծրագրավորողը սովորական մահկանացուից
-Նրանով, որ նա կարող է պատասխանել հարցերի, որոնց պատասխանն արդեն տրված է:
-Օրինակ…
-Ինչի է հավասար 2×2=4?
-TRUE!

/Էս մի քանիսը ինչքան փորձեցի, չկարողացա լավ թարգմանել/
Роботы, пережившие временную остановку электропитания, рассказывают о синем экране в конце тоннеля…

-Привет! Что делаешь?
-Пресс качаю.
-А что это?
-Полезно для здоровия и для фигуры
-Дай ссылку, я тоже скачаю

Идет программист по стройке, вдруг с крана срывается огромный блок и падает ему на голову. “Tetris”, успел подумать программист.

Хиросима 45, Чернобыль 86, Windows 98…

1 մեկնաբանություն

Filed under Հումոր

Orange Expo Review

Հոկտեմբերի 15, 16, 17-ին Orange Armenia-ն Հյուսիսային պողոտայում գտնվող իր սպասարկման կենտրոնում կազմակերպեց է «Ապագան Այսօր է» խորագրով ցուցահանդես: Ցուցանմուշները հետաքրքիր տեխնոլոգիաներ, ծառայություններ ու սարքեր էին, որոնց մի մասը մշակվել են Ֆրանսիական Orange Labs հետազոտական կենտրոնում և առաջին անգամ էին ցուցադրվում տարածաշրջանում:

Ուշագրավ նմուշներից կարելի է նշել Liveradio Vintage և Hi-Fi Adapter անունները կրող սարքերը, որոնցից առաջինը տեսքից հիշեցնում է դասական ռադիոընդունիչ, բայց իրականում WiFi-ով կարող ե կապնվել ցանկացած ինտերներային ռադիոկայանին կամ համակարգչում պահվող երաժշտությանը: Երկրորդը նման է առաջին սարքին, միայն թե սա ժամանակակից մինիմալիստիկ դիզայնով է աչքի ընկնում ու ձայն արտադրում է բարձր հստակությամբ:

Արժե նշել նաև Domino անունը կրող հետաքրքիր WiFi ցրիչի մասին, որը կարող է կապվել մինչև հինգ սարքավորման հետ և 3G+/WiFi տեխնոլոգիաներով հասանելի դարձնել ինտերնետը:

Մեկ այլ հետաքրքիր էքսպոնատ էր LG-ի արտադրած ձեռքի ժամացույց-հեռախոսը (հետաքրքիր է, սրանք կվաճառեն Orange-ի խանութներում?): Ցուցահանդեսին մեզ բացատրեցին, որ այս սարքով կարելի է զանգել, զանգեր ստանալ (նաև տեսազանգեր) և նույնիսկ հաղորդագրություններ ուղարկել:
Բոլոր ցուցանմուշների մասին տեղեկություն ստանալու համար այցելեք ցուցահանդեսի էջը:

Համարենք, որ Orange Expo-ն բավականին հետաքրքիր նախավարժանք էր սույն ամսվա վերջում կայանալիք Digitec Expo 2010-ի նախօրեին:

Թողնել մեկնաբանություն

Filed under IT Նորություններ, Իրադարձություններ

UI-ի ներկան ու ապագան

Ինտերֆեյսը երկու մարդու/սարքի միջև ինֆորմացիա փոխանցելու միջոցն է: Կարելի է ասել, որ մարդկանց մոտ հիմնական ինտերֆեյսի դերը խաղում է լեզուն: Երբ խոսքը գնում է մեքենայից-մարդ և մարդուց-մեքենա ինֆորմացիայի փոխանակման մասին, այդպիսի ինտերֆեյս անվանում են UI (User Interface): Առանց հստակ ստանդարտացված UI-ի մարդու և սարքի համագործակցությունը չափազանց բարդ (եթե ոչ անհնարին) կլիներ:
lemur6
UI-ի ոլորտում հետազոտությունների արդյունքում այսօր լայնորեն սկսել են կիրառել սենսորային դիսպլեյները: Նրանք ամենուրեք են՝ բջջային հեռախոսներում, տեղափոխելի համակարգիչներում, վճարումներ կատարելու տերմինալներում, բանկոմատներում: Սրա առավելությունը ավանդական Point and Click ինտերֆեյսների նկատմամբ այն է, որ շփումը մարդու և մեքենայի միջև ռեալիզացվում է առանց որևէ սարքերի՝ թող դա լինի համակարգչի մկնիկը, կամ հեռախոսի կոճակները, կիրառման: «Սարքի» դեր այս դեպքում խաղում են User-ի մատները: Մի քանի տարի առաջ սենսորային ինտերֆեյսների ոլորտում հետազոտությունները բերեցին առաջին հայացքից ոչ այնքան հեղաշրջող տեխնոլոգիային՝ Multi touch դիսպլեյներին: Սրա միակ տարբերությունը նախորդից այն է, որ սարքը կարող է հասկանալ միանգամից մի քանի մատի հպումը դիսպլեյին: Սովորաբար Multi Touch ասելով այսօր հիշում ենք iPhone-ը, բայց տեխնոլոգիան ունի չափազանց ավելի շատ ու բազմազան կիրառություններ, քան միայն Ջոբսի լեգենդար սարքում օգտագործումն է:

Գիտությունն ու տեխնոլոգիաները լույսի արագությամբ զարգանում են: Եթե 5 տարի առաջ այս սեմինարի ժամանակ մարդիկ զարմացած ծափահարում էին, տեխնոլոգիան այսօր արդեն կարելի է տեսնել մարդկանց գրպաններում:
Այսօր սենսորային տեխնոլոգիան տեղափոխում են երրորդ առանց՝ տարածություն:

Եվ ինչքան էլ ֆանտաստիկ թվա, սա ևս արդեն գտել է իր կիրառությունները: Հիշենք հենց նույն Microsoft Kinect-ը, որի մասին արդեն խոսվել է բլոգում, կամ Kinect-ի` Sony-ի կողմից առաջարկված տարբերակ PlayStation Move-ը:
Եթե այսօր սա արդեն կա, ինչ կլինի վաղը? Մի քանի ամիս հետո, մեկ տարի հետո, տաս տարի հետո… Միգուցե առաջիկա տասնամյակում User Interface-ը Brain-Computer (Ուղեղ – Համակարգիչ) ինտերֆեյսով փոխարինվի? Տեսնենք…

Բեռնել առաջին հոլովակի որակյալ տարբերակը (121Mb)
Բեռնել երկրորդ հոլովակի որակյալ տարբերակը (313Mb)

Թողնել մեկնաբանություն

Filed under IT Հետազոտություն, IT Նորություններ

IT Club Meeting N23 Review

Ամփոփենք IT Club Meeting-ի թվով 23 հանդիպումը (ովքեր տեղյակ չեն դրա մասին, խնդրում եմ կարդան հետևյալ գրառումը): Հանդիպումը բաղկացած էր երեք մասից և ընդմիջման հետ միասին տևեց մոտ երկու ժամ: Հանդիպման գլխավոր թեման էր այս անգամ «Խաղային ինդուստրիայի զարգացումը Հայաստանում»:
Դրվագ Rome: Total War խաղից
Առաջին մասում խոսեցին Rome:Total War խաղի Tigran the Great մոդի  հեղինակները` «Քարերի Երկիր» երիտասարդական թիմի անդամները: Ճիշտն ասած մութ մնաց, թե նրանք ինչ են պատրաստվում ստեղծել: Անընդհատ խոսում էին ինչ-որ լիցենզիաների, engine-ների մասին: Համոզված եմ, որ Activision-ը, որին պատկանում է Total War-ը երբեք ոչ մի պայմանով իր խաղի թե՛ կոդը, թե՛ շարժիչի կոդը, որի վրա աշխատում է խաղը չեն տրամադրի (առավել ևս անվճար) ինչ-որ անհատների: Կամ իրոք ինչ որ կախարդական և/կամ անօրինական ձևով նրանք ձեռք են բերել խաղի կորիզը (ինչպես նրանք նշեցին) կամ էլ պարզապես մոդ են ստեղծում օգտվելով խաղի հետ տարածվող անվճար արտաքին ծրագրերից՝ toolset-ներից: Առաջին դեպքում պետք կլինեն շատ հմուտ ծրագրավորողներ, որպեսզի կարողանան գլուխ հանել այդ հսկայական ծրագրային կոդից, իսկ երկրորդ դեպքում նրանց անհրաժեշտությունն ընդհանրապես չկա՝ ցանկացած, նույնիսկ ծրագրավորումից գլուխ չհանող մարդ կարող է որոշակի ժամանակ տրամադրելով սովորել օգտվել այդ toolset-ներից:
plex
Երկրորդ մասում խոսեց Plexonic ընկերության տնօրեն Գևորգ Սարգսյանը: Ես առաջին անգամ էի լսում այդ ընկերության մասին, և զարմանալի անակնկալ էր ինձ համար, որ հայաստանում իրոք լրջորեն խաղերի մշակմամբ (խաղերի, ոչ թե մոդերի) զբաղվողներ կան: Շուտով առանձին պոստով կանդրադառնանք Plexonic-ին ու նրա գործունեությանը:
Երրորդ մասում ելույթ ունեցավ ԻՏՁՄ տնօրեն Կարեն Վարդանյանը, ներկայացրեց պրեզենտացիա ներկայումս Հայաստանում և տարածաշրջանում սկսնակ ձեռնարկությունների թվի և դրա աճին ուղղված միջոցների ու միջոցառումների մասին:
Առայժմ այսքանը: Սպասենք հաջորդ IT Club Meeting-ին:

Մեկնաբանություններ (13)

Filed under Իրադարձություններ