MUSE

31311_395231573724_8762738724_4187080_7702764_n
Անգլիական ծագմամբ Muse ռոք խմբի անդամները արդեն 10 տարի է, ինչ ուրախացնում են երկրպագուներին իրենց աչքի ընկնող, անսովոր երգարվեստով: Նախքան այդ , սկսած 1994թ., խմբի անդամները՝ գլխավոր կիթառահար/վոկալիստ Մեթյու Բելամին, բաս կիթառահար/բեք-վոկալիստ Քրիս Վոլստենհոլմը և հարվածային գործիքների/ստեղնաշարի երաժիշտ Դոմինիկ Հովարդը (Վոլստենհոլմը միացավ խմբին մի փոքր ուշ) հանդես էին գալիս տարբեր անունների ներքո, այդ թվում Gothic Plague, Rocket Baby Dolls և այլն…
Muse_by_Bobbie_Gurl
Դեբյուտային ձայնասկավառակը՝ Showbiz վերնագրով, նրանք թողարկել են Մեծ Բրիտանիայում 2000թ.: Հայրենիքում սկավառակը, չնայած մեկնաբանների մեղադրանքներին, թե Muse-ի երգարվեստը նույնօրինակում է արդեն իսկ այն ժամանակ հանրահայտ Radiohead-ի գործերը, արագ կերպով բարձրացավ վաճառքների չարթերի առաջին հորիզոնականը:
2001թ. Մադոննային պատկանող Maverick Records ձայնագրման ստուդիան չհամաձայնվեց թողարկել խմբի երկրորդ սկավառակը՝ Origin of Symmetry-ն ԱՄՆ-ում, պատճառաբանելով, թե Բելամիի ձայնը ռադիոեթերի հետ համատեղելի (radio-friendly) չէ: Maverick-ը առաջարկեց խմբին նորից ձայնագրել վոկալ մասը: Խումբը կտրականապես մերժեց առաջարկը և թողարկեց սկավառակը Միացյալ Նահանգներում 5 տարի անց միայն՝ Warner Bros պիտակի տակ: Բրիտանիայում այն շլացուցիչ հաջողություն ունեցավ, իսկ Plug in Baby, Bliss, New Born երգերը իսկական ռադիո հիթեր դարձան:
Խմբի հաջորդ սկավառակը՝ Absolution-ը (2003) ևս Մեծ Բրիտանիայում առաջին հորիզանականում հայտնվեց, իսկ Time is Running Out, Hysteria, Butterflies and Hurricanes, Sing For Absolution երգերը բոլորը միանգամից հայտնվեցին top 20-ում:

2006-ին թողարկած Black Holes and Revelations ալբոմը առաջատարի դիրքը ստանձնեց նաև Ավստրալիայում և Եվրոպայի մեծ մասում: Դրա թողարկումից հետո խումբը կատարեց իր ամենահայտնի HAARP համերգային շրջագայությունը, ինչից հետո միանգամից մի քանի երաժշտական պարբերականներ Muse-ին շնորհեցին «Լավագույն կենդանի կատարմամբ խումբ» տիտղոսը:

5-րդ ստուդիո ձայնասկավառակը՝ The Resistance-ը խումբը թողարկեց 2009-ի Սեպտեմբերին: Սկավառակում տեղ է գտել 3 մասից բաղկացած The Exogenesys Symphony գեղեցիկ սիմֆոնիան: Այժմ խումբը գտնվում է Resistance Tour շրջագայությունում: Ս.թ. հունիսին Գլաստոնբերի ֆեստիվալում խումբը U2-ի կիթառահար The Edge-ի հետ կատարեց Where the Streets Have No Name երգը (U2-ի Bono-ն չկարողացավ ելույթ ունենալ վնասվածքի պատճառով):
Muse-ը աչքի է ընկնում իր էքստրավագանտ, չափազանց էներգետիկ կենդանի կատարումներով, տարբեր ոճի երաժշտություններ միախառնելու համարձակ փորձերով (alternative rock, progressive rock, space ballads, classical music, heavy metal, electronica) և յուրօրինակ վոկալով, ինչի շնորհիվ արժանացել է բազմաթիվ մրցանակների, այդ թվում երկու BRIT Award-ի, հինգ MTV Europe Music Award-ի, ինն NME Award-ի, վաճառել է ավելի քան 13 միլիոն ձայնասկավառակ, 2008թ. Սեպտեմբերի 25-ին խմբի երեք անդամները պարգևատրվել են Պլայմոթի Համալսարանի կողմից Պատվի Դոկտորատով (Honorary Doctorate) երաժշտության մեջ ներդրած ավանդի համար:
Խմբի համերգացանկը, կենսագրությունը, ստեղծագործությունները անվճար հասանելի http://muse.mu պաշտոնական կայքում:

P.S. Խոսքեր են գնում, որ խումբը սկսել է աշխատել հաջորդ սկավառակի վրա, որը հավանաբար կթողարկվի հաջորդ տարի:

Advertisements

Մեկնաբանություններ (4)

Filed under Երաժշտություն

4 responses to “MUSE

  1. ShH

    Իմ անձնական կարծիքով, Muse-ը բավականաչափ լավ խոմբ է, բայց վերջին երկու ալբոմների շնորհիվ (Կներեք բայց իմ կարծիքով 4 տարվա ընթացքում 3 ալբոմը ինչպես ասում են черезчур է): Բացի դրանից կարելի է նկատել, որ շատ երգեր տառապում են միօրինակությամբ և շաբլոն դարցած տեքստերով: Բայց իրոք Մեթյու Բելամիի տաղանդը կասկածի տակ չեմ դնում և ավելին կասեմ, որ շատ նախանձելի տաղանդ ունի:

  2. Իսկ ես ընդհակառակը, կարծում եմ որ նրանց լավագույն ալբոմը Absolution-ն է, նրանց լավագույն հիթերը այնտեղից են, այդ թվում Hysteria, Butterflies And Hurricanes, Stockholm Syndrome: Absolution-ի բոլոր երգերը առանց բացառության շաաաատ լավն են:

  3. Արա Նիկողոսյան

    Barev dzez,,,, hargeli Hayk jan MUSE-@ ashxarahrchak xumb e,, nranc rger@ lselov amen mard mi nor ban e haskanum … isk duq erevi ergeric vochinchel cheq haskanum,,es nuynisk kentadrei vor duq LINKIN PARK eq lsum,,,,,

    porceq hajax lsel MUSE @ ev kyanqic shat ban khaskanaq

  4. Ժողովուրդ մենակ չսկսեք իրար փորձել ապացուցել, Muse-ն է լավ, թե Linkin Park-ը: Իմ կարծիքով դրանք բոլորովին տարբեր են: Ճաշակի հարց է…

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s